الفصل الثاني عشر....

2065 Words

اول ما الباب اتفتح دخل منير وهو باين علي وشه الرعب وقال: انتوا سايبين الباب مفتوح ليه وفين شهد انا من الصبح بتصل بيها وتلفونها مقفول قلقت عليها وعشان مش معايا رقمك يا طنط جيت اشوفها طنط رجعت تعيط تاني وقالت: شهد خرجت من الصبح يا منير ومرجعتش وتلفونها فعلا مقفول انا مش عارفه اعمل اي رجعلي بنتي يا منير بالله عليك انا مليش غيرها منير اتصدم وقالها: متقلقيش انا هعرف ارجعها دليله بعد اذنك انا عارف انك في وقت صعب بس معلش خالي بالك من طنط والنهار مش هيطلع غير وشهد وسطكم مشي منير من هنا وانا حاولت اهدي طنط علي قد ما اقدر... منير خرج واتصل بواحد وقاله: بقولك اي فاكر السلسلة اللي عملتها ليا وفيها جهاز تتبع انا عايزاك تحددلي مكانها حالا مفهوم قفل منير وهو بيفتكر اللي حصل في المول لما سبناه مع شهد بعد ما خلصوا وجابو الحاجات المطلوبة منير قال: شهد استني هنا دقيقه وجاي اوعي تتحركي من مكان فضلت شهد لوحدها ومنير بسرعه رجعلهت وقالها: يلا يا حبيبتي غمضي عينيك بسرعه من غير نقاش واياكي تفتحيها شهد استغربت بس سمعت الكلام ومنير طله سلسلة ولابسها لشهد وهي فتحت عينيها وحطيت ايدها علي السلسلة وقالت: الله يا منير دي حلوة اوي بجد ربنا يخليك ليا يا حبيبي بس اي المناسبة بتاعتها منير قالها: من غير مناسبة يا حبيبتي هي عجبتني وشوفتها فيكي انتي فجبتها اهم حاجه مش عايزاك تقلعيها مهما حصل انتي فاهمه يا شهد رديت وقالتله: حاضر يا منير مش هقلعها ابدت يا حبيبي يلا بقي نروح لدليلة وزين زمانهم خلصوا ومستنينا وانا جعانه اوي فاق منير من شروده علي صوت رساله علي التلفون فيها العنوان اللي شهد فيه وبسرعه اتحرك بالعربية ووصل المكان طلع السلاح ودخل يدور علي شهد وبعد شوية وصل للاوضة اللي فيها شهد و**ر الباب ودخل لاقي شهد مربوطه في الكرسي ووشها كله دم جري بسرعه عليها وبقي يفكخت ويفوق فيها بس هي مكنتش بتفوق خالص شالها بسرعه وجه يخرج بيها دخل الشخص اللي مخبي وشه هو ورجلته وقال: علي فين يا بطل ما لسه بدري يا حبيبي سيب يا حلو اللي في ايدك دي احسن ليك منير قال: مش هسيبها انت مين وعايز منها اي لو علي الفلوس انا ممكن اد*ك اللي انت عايزوا بس كله الا شهد انت فاهم ضحك الراجل وقال: فلوس اي يابو فلوس بقولك اي انا مش فايق للعب العيال دا سيبها ومشي من هنا احسن ما تطلع جثة وهنا دخل زين وهو حاطط المسدس علي دماغ الراجل وقال: اللي يفكر ياذي اخويا ا**رله دماغه وهيبقي حفر قبره بنفسه اخلص وقول انت مين او شغال تبع مين الراجل ضحك وقال: لا انا كدا اطمنت عليها انا هسيبكم دلوقتي بس يا منير لو شهد حصلها حاجه مفيش حد هيرحمك مني مهما كان مين وقريب اوي هتعرفوا انا مين بس يجي الوقت المناسب سلام فجاه النور انطفي ورجع وكان مفيش حد في الاوضة غير منير وزين وشهد زين بسرعه قال: يلا يا منير مفيش وقت لازم نودي شهد المستشفي اتحرك بسرعه منير بسرعه ركب العربية وراء وشهد جانبه وظين سايق لحد ما وصلوا المستشفي ودخلت شهد اوضة الكشف منير بص لزين وقاله: انت جيت ازاي يا زين وعرفت مكاني منين اصلا زين قاله: هو دا سؤال يا منير انت من ساعه ما قولتلي قلقان علي شهد ولازم تروح تطمن عليها وطلعت زي المجنون روحت وراءك ولما وصلنا نزلت وركبت في عربيتك من غير ما تحس منير حضن زين وقاله: انا مش عارف من غيرك كنت هعمل اي ربنا يخليك ليا يا زين يارب ويقدرني وارد جمايلك عليا زين ض*به وقال: جمايل اي يا ع**ط انت اخويا واكتر يا منير والحمدالله ان شهد رجعت بالسلامه خلونا نفرح بيكوا بقي خرجت الدكتورة وقالت: الحمدالله هي كويسه هي بس جالها انهيار عصبي واغمي عليها ومحتاجه شوية راحه وفتامين ياريت تهتموا بيها شوية ان شاء الله بكره تقدر تخرج عن اذنكم زين بص لمنير وقاله: مش هينفع نبات معاها اتصل بامها تجيلها يا منير هي زمانهت خايفه عليها اوي ويلا بينا احنا بكره نجيلها وفعلا منير سمع كلام زين وجيت انا وطنط وقعدنا مع شهد ومنير مشي... تاني يوم زين راح الفيلا عشان كان لازم يغير هدومه ويروح الشركة ضروري اول ما وصل ودخل من باب الفيلا كانت نسمة جوه اول ما شافته جريت وحضنته وقالت: وحشتني اوي يا زين انت كويس عرفت اللي حصل لطنط واللي دليله عملته انا بجد اسفه اوي يا زين ان شاء الله كله هيعدي زين بعدها عنه وقالها: شكرا يا نسمة بس ياريت سيرتهم متتجبش تاني قوليلي صحيح اخوكي سمير فين مختفي بقاله فترة متعرفيش عنه حاجه خالص نسمة استغربت وقالت: لا يا زين هو اتصل وقال انه مع ناس صحابه وكام يوم وهيرجع بس غريبه انت من امتا بتسال عليه يعني اي اتصلحتوا رد وقالها: اخوكي دا بالنسبالي ميت انا بسال عليه عادي لاني شاكك ان ليه علاقة بموت مايا اكيد عرفتي انها ماتت مقتولة في شقة صاحب سمير وصحبه قال ان سمير اللي طلب منه الشقة لمايا نسمة حست ان كلام زين صح وخافت علي اخوها وقالت: لا مستحيل حته لو يمكن هي اللي اتحيلت عليه يشوفلها مكان تقعد فيه بعد ما اهلها طردوها بصلها ببرود وقال: يمكن برضو بكره الحقيقه تبان ان شاء الله المهم انتي كنتي جايه ليه محتاجه حاجه ولا في اي قربت منه وقال: في اي يا زين هو انا مينفعش اجيلك يعني علي الاقل لو بصفتي بنت خالتك لحد ما يجي اليوم اللي تصدق فيه حبي ليك وابقي مراتك نفسي تديني فرصة واحده بس زين قالها: نسمة انا بجد مش فايق للكلام دا وكمان عندي مواعيد مهمه اوي لازم اروحها نبقي نتكلم بعدين بقي البيت بيتك طبعا ابتسمت نسمة لان زين اول مره ميزعقش وقالت: طب تسمحلي عقبال ما تغير استناك ونفطر سوي وحشني الاكل معاك يا زين بعد اذنك مت**فنيش رد وقالها: ماشي يا نسمة عن اذنك هاخد دش وانزل علي طول يكون الفطار جهز طلع زين ونسمة ابتسمت بنصر وقعدت تستناه. ظهر الشخص تاني وهو ماسك صورة ريم ام شهد وبيتكلم معها وبيقولها: عارف انك اتظلمتي كتير اوي يا ريم بس متقلقيش كله هينتهي قريب اوي متقلقيش انا موجود دخل عليه خالد وقاله: وبعدين معاك هتفضل كدا لحد امتا انت عارف لو حد عرف بوجودك هيحصل اي انت كدا بتعرض حياتك للخطر رد وقالها: مش قادر انا بقالي كتير مستخبي جبت اخري خلاص الحق لازم يرجع لصحابه انا بموت في الدقيقه مية مره احساس الذنب هيموتني اتكلم خالد وقاله: انا وعدتك تظهر للكل بس ارجوك مش دلوقتي لازم امن حياتك الاول بعد اذنك متعملش حاجه تاني من ورايا رد وقال: حاضر يا خالد بس ارجوك استعجل لاني مش هقدر اصبر كتير والله انا محتاج ارتاح افهمني ارجوك خالد قاله: حاضر هعمل كل اللي اقدر عليه ومتقلقش الحقوق هترجع لصحابها قريب اوي عن اذنك بقي عشان عندي شغل شهد فاقت وامها بسرعه حضنتها وقالتلها: كدا يا بنتي تقلقيني عليكي الحمدالله انك رجعتيلي بالسلامه لولا ربنا ومنير كان زماني موت من الخوف عليكي والله شهد قالت: بس يا ماما بعد الشر عليكي متقوليش كدا تاني انا موجوده معاكي اهو وعمري ما هسيبك ابدا اتكلمت وقولت: ما كفايه دراما بقي اهي شهد رجعت اهو ملهوش لازمه كل دا ولا الدموع دب ولا انتوا كدا غاويين نكد ضحكت شهد وقالت: يا بنتي بطلي لماضة يعني حته بعد ما اتجوزتي لسه زي ما انتي اعقلي بقي يا دليلة حرام عليكي جوزك يا بنتي مقدرتش امسك دموعي هنا ولاقيت طنط قامت حضنتني وقالت: كدا يا شهد ليه بنتي تفتحي الموضوع دا دلوقتي بس يا دليله يا بنتي اهدي وكل حاجه ليها حل قولتلها: متلوميش عليها يا طنط هي هتعرف منين يعني ومتقلقيش عليا انا كويسه دا انا برضو دليلة نستيني ولا اي شهد استغربت وقالت: هو في اي يا جماعه اي اللي حصل وانا مش موجوده متفهموني بعد اذنكم كدا بقي وقبل ما حد يتكلم دخل كريم وبسرعه مسك ايد شهد وقالها: انتي كويسه يا حبيبتي اي اللي حصلك طمنيني عليكي انا اسف اني مكنتش معاكي غصب عني والله وهنا دخل منير وزق كريم وقال: متقلقش هي مش محتاجك طول ما جوزها معاها يا استاذ كريم وبعد اذنك بعد كدا متلمسش حاجة غيرك كريم اتعصب وقال: جوز مين يا جدع انت دا في احلامك شهد مستحيل تكون ليك لو هطرأ اقتلك مش هسيبهالك ولا انتي اي رايك يا طنط ام شهد اتكلمت وقالت: يا كريم يا ابني افهم شهد قلبها مش معاكي وانا مش هقدر اظلم بنتي ولا اظلمك وان شاء الله ربنا هيعوضك باللي احسن منها كريم رد وقال: بقي كدا كلكوا معه تمام وانا قولت اللي عندي شهد مش لحد غيري وبكره تشوفوا كريم هيعمل اي خرج كريم ورزع الباب وراه وشهد قعدت تعيط وتقول: انا اسفه يا منير خلاص ابعد عني انا مش هسمح امك تتأذي بسببي مهما حصل شوف نصيبك مع حد غيري كريم مجنون وانا خايفه يعملك اي حاجه انا ممكن اروح فيها منير قرب ومسك ايدها وقال: بس يا بت يا هبله انتي اي مستقليه بجوزك يعني ولا اي يا بت دا انا اسد واللي يقرب مني او من مراتي اكله بسناني ولا اي يا حماتي ضحكت ام شهد وقالت: عنده حق يا بت يا شهد اسد ابن اسد برضو ربنا يحرسكم ويخليكم لبعض وانتي يا شهد اعقلي وسيبي جوزك يتصرف شهد استغربت وقالت: اي جوزك جوزك دي في اي احنا لسه هنتخطب مش هنتجوز لسه بدري علي جوزك دي اتكلم منير وقال: لا يا حبيبتي ما انا اتكلمت مع حماتي وقررنا هنصبر شهر وهتبقي خطوبة وكتب كتاب ودخله اي رايك بقي شهد قامت وفضلت تططنطط وكانت فرحانه اوي وانا فرحت لفرحتها واستاذنت عشان امشي لاني كنت تعبانه زين كان في العربية واتصل ابوه بيه وقاله: زين تعال الفيلا بتاعتنا حالا عايزاك في حاجه مهمه وم***ع اي اعتذر يلا مستنيك وقفل السكه في وشه من غير ما يستني رده حته وزين استغرب اوي ولف بالعربية وراحلوا واول ما وصل قاله: خير يا بابا عايز مني اي وليه **مت اني اجي بالشكل دا اتفضل اتكلم قاله: اقعد يا زين وهتفهم كل حاجه يا ابني انت في حقيقه لازم تعرفها ومش هينفع تفضل مستخبيه عنك اكتر من كدا زين استغرب وقلق اوي وقال: متتكلم علي طول يا بابا في اي انا مش بحب الطريقة دي خالص ياريت تيجي دغري وتقول اللي عندك عمي بداء يحكي ويقول: ايام الكلية يا زين لما عرفت ان مرات عمك مش بتحبني وبتحب اخويا الكبير كنت مصدوم مش عارف اعمل اي ومكنتش شايف قدامي يومها روحت نايت كتب وفضلت سهران بشرب وبس ولما خلاص بقيت سكران ومش معايا حد تلفوني فضل يرن كتير وواحد من الجرسونات رد وبعد شوية لاقيت واحده زميلتي في الكلية جت تاخدني انا كنت عارف انها بتحبني بس مكنتش قادر اشوفها اصلا المهم خدتني في عربيتها وروحتني شقتي عشان محدش من اهلي يشفوني بالمنظر دا بعد ما وصلنا... قالتلي: صابر انا لازم اسيبك دلوقتي انت نام وهتصحي كويس ولو صحيت مصدع ابقي تشرب كوباية قهوة وهتبقي كويس ان شاء الله جت تمشي مسكتها من دراعها وقولتها: زينب متسبنيش انا بحبك صدقيني هخليكي اسعد واحده في الدنيا كلها اديني فرصة واحده بس انا مش هقدر اعيش من غيرك رديت وقالتلي: فوق يا صابر انا مش زينب ياريتني هي عشان تحبني ربع حبك ليها بس للاسف كله نصيب سبني امشي يا صابر ارجوك مقدرتش اسيبها وانا شايفها زينب وقولت: لا يا زينب انا مش هسيبك انتي ليا انا وبس وخليكي ملكي العمر كله حته لو غصب عنك فضلت تصرخ عشان اسيبها بس انت كنت مغيب مفوقتش غير تاني يوم وهي جانبي وهدومها كلها متقطعه اتصدمت وقومت ومكنتش عارف اعمل اي ووعدتها هتجوزها لان هي ملهش ذنب في كل دا بس ساعتها رجعت البيت وابويا اجبرني علي نادية زين قال: وبعدين انا برضو مش فاهم حضرتك عايز تقول اي قولتلك اتكلم علي طول انا خلاص مبقاش عندي صبر كمل عمي كلامه وقال: وافقت ساعتها واتجوزت نادية وزميلتي دي اختفيت خالص مظهرتش غير بعدها بشهرين وقالتلي انها حامل معرفتش اعمل اي وصرحت نادية وقولتلها هتجوزها رفضت وقالتلي انا هاخد الطفل وهيتكتب باسمي او هفضحك وعمي هيحرمك من كل الورث ساعتها وافقت يا ابني غصب عني زين اتصدم وقال: انت قصدك اي نادية مش امي ازاي مستحيل يكون الكلام دا حقيقي ولو صح امي فين وازاي سبتني ليكوا بالسهولة دي رد وقال: امك غلبانه كانت خايفه عليك تعيش من غير اسم اب ويتقال عليك ابن حرام ووافقت بالعافية بشرط انها دايما هتكون حواليكي وهي موجوده وقررت ابطل ظلم فيها واعرفك الحقيقه هي محتاجك زين دموعه نزلت وبسرعه مسحها وقال: مين هي امي انا عايز اشوفها قولي اسمها عنوانها اي حاجه يلا عمي قاله: امك تبقي ندي السكرتيرة بتاعتي... زين اتصدم وقام مشي من قدامه...... وانا في البيت فجاه الباب خبط كنت فاكره ان شهد وطنط رجوعوا بعد ما داده راحتلهم بهدوم بس اول ما فتحت الباب اتصدمت...... ياتري مين الشخص اللي خ*ف شهد واي علاقة خالد بيه.... وكريم ناوي علي اي.... وسمير فيم.... ونسمة هتعمل اي في زين.... ومنير هيسكت علي اللي حصل ولا هيعمل اي.... وزين هيعمل اي في اللي عرفه... واي هيكون رد فعل ندي لما تشوفه.... ومين اللي راح لدليلة.... هنعرف في الحلقات الجاية.... انتظرونا....

Free reading for new users

Scan code to download app

App Store Google Play

Facebookexpand_more