الفصل السادس... 🌹

2102 Words

زين بسرعه جري عليا ومسكني وحاول يفوقني والناس كانت حوالينا بعد شوية فوقت واول ما شوفته مسكني بعدت عنه وقولت: ابعد عني انت عايز مني اي بصلي وهو مستغرب وبسرعه مسكني وقالي: مالك بس يا حبيبتي اهدي اي اللي حصل انا زين جوزك في اي انا مش فاهم حاجه ينفع كدا خضتيني عليكي والايس كريم وقع بس هجبلك الاحسن منه مكنتش عارفه اعمل اي هي مستحيل يكون كلامها صح حسيت اني متلغبطه ومش فاهمه اي حاجه وقولتله: انا عايزة اروح بعد اذنك تعبت كفايه كدا رد وقالي: حاضر اللي انتي عايزاه يلا بينا انا المهم عندي راحتك نبقي نكمل يوم تاني ان شاء الله يلا بينا ركبنا العربية وانا كل اللي شاغل دماغي كلام الزفتة اللي شوفتها دي واللي حصل كان..... لاقيته بتضحك وبتقولي: انت تعرفي اني كنت خطيبت زين وصدقيني زين حاجه تانية غير اللي باين ليكي دلوقتي اوعي يغرك شوية اللبس والاهتمام دا هو بيكون كدا في الاول قولتلها: اه انتي بقي مايا بس احب اقولك انك غلطانه وزين كويس اوي وكان خسارة فيكي وكويس انه سابك اصلا ضحكت وقالت: هو لحق يأكل عقلك ما اه من حقه ما هو شايفك عيله صغيرة سهل يضحك عليكي بكلمتين طب ياتري قالك اي مكنتش عارفه ارد اقولها اي لان زين معرفش عنه اي حاجه بس حاولت مبينش دا وقولت: انا مسالتهوش لان دي حاجه خلاص خلصت والكلام فيها ملهوش اي لازمه بس اكيد الغلط مكنش عنده هو ضحكت وقالت: طب اسمعي يا حلوة زين دا ازبل واحد شوفته في حياتي اتفق عليا هو وابن خالته وحطلي حاجه منومه في العصير بتاعي عشان ياخد اللي هو عايزوا وبعدها اتهمني باني خاينه وعلي علاقة بابن خالته دا وسابني اتصدمت مستحيل زين يكون كدا وقولت: انتي كدابة زين مستحيل يكون كدا انتي اكيد غيرانه عشان اتجوز صح ضحكت وقالت: والله براحتك انا قولتلك الحقيقه تصدقي تمام متصدقيش تمام انا همشي بقي احسن يشوفني ويجي يعمل عليكي الدور فوقت علي صوت زين وهو بيقولي: يلا احنا وصلنا انزلي واطلعي ارتاحي وانا هروح الشركو ومش هتاخر ولو عوزتي حاجه كلميني تمام نزلت من غير ما ارد عليه وهو مشي ودخلت علي اوضتي علي طول.... شهد روحت وامها اول ما شافتها قالت: اي اللي حصل في النادي دا يا شهد ومين اللي وقفك دا وازاي ت**في ابن عمك بالشكل دا رديت شهد وقالت: ماما ممكن تسمعيني اقعدي وهفهمك كل حاجه اللي وقفني دا شاب محترم وكويس جدا ووقفني عشان عايز معاد من حضرتك ولما كريم كدب مقدرتش اسكت اتكلمت وقالت: يا بنتي كريم بيحبك وابن عمك واكتر حد هيحافظ عليكي ليه نروح للغريب بس هو احنا نضمنه منين بس انا خايفه عليكي شهد مسكت ايديها ساعتها وقالت: يا حبيبتي افهمي انا مش بحب كريم ومش شايفه انه ينفع زوج ليا ومنير كويس اوي ويكفي انه اول ما طلب يكلمني طلبه بالحلال رديت وقالتلها: انا مش عارفه اقولك اي بس مش هقدر اجبرك علي حاجه وبدام شايفه انه كويس انا هديله فرصة انا بالنسبة ليا اهم حاجه سعادتك وبس يا حبيبتي شهد حضنتها وقالت: وربنا انا مش بحبك من فراغ ربنا ما يحرمني منك ابدا اعملي حسابك بقي انه هيجي هو وابوه بكره ماشي ابتسمت وقالت: ماشي يا حبيبتي يلا ادخلي غيري عشان ناكل انا مستنياكي... قامت شهد وامها بعتت رساله لكريم وقالت: خلاص يا ابني دت نصيبي وبنتي مش نصيبك ربنا يرزقك بالاحسن منها ان شاء الله هيثم وصل الشركة وبسرعه دخل لعمي وقاله: انا اسف يا استاذ صابر بس كان لازم اورد الفلوس للبنك حضرتك كنت محتاج مني اتفضل انا تحت امرك رد وقاله: انت بقالك كتير هنا يا هيثم انت وابوك وانا ملاحظ ان في ناس هنا شغالين ومش مخلصين في العمل وشاكك في حاجه وكنت حابب انك تساعدني رد هيثم بتوتر وقال: حضرتك عرفت الكلام دا منين انا كتير قولت لاستاذ مصطفي بس هو كان بيقولي انا مقدرش اقطع برزق حد وانا مش معايا اي دليل عليهم ابتسم عمي وقال: طب حلو الكلام دا دلوقتي انا عايزاك تلعب معايا لعبة صغير انت هتنقل كلام كدب قصاد اللي شاكين فيهم ويوم اجتماع الصفقة الجديده رد هيثم وقال: تمام يا استاذ صابر اللي حضرتك عايزوا وكويس انك هتعمل كدا الشركة خسرت كتير بسبب الناس دي وكانوا بيستغلوا طيبة استاذ مصطفي كتير عمي شكر هيثم وهو خرج عشان يشوف شغل واول ما وصل المكتب قعد ومسك التلفون وفتح علي صورة نسمة وقال: وحشتيني اوي بقالي كتير مشفتكيش انا عارف اني مش قد المقام بس انا هعمل المستحيل عشان تحبيني وكويس ان زين بيه اتجوز كدا بقي قدامي فرصة كبيرة مش هسيبك تضيعي مني يا نسمة قفل هيثم التلفون وبقي يكمل شغله.... في شقة سمير كان قاعد ومايا جت وقالتله: انا عملت كل اللي طلبته مني بس فكرك هيجيب نتيجه افرض سالته اكيد هيقولها الحقيقه ضحك وقال: ما طبيعي دا اللي هيحصل بس انتي بقي دورك لسه مخلصش انتي هتتصلي بيها وهتبعتي رسايل واوعي تنسي صورك انتي والبيه رديت مايا وقالت: ربنا يستر زين مش هيسبني في حالي دا بقي مرعب اوي مش عارفه ممكن يعملي فيا اي ساعتها رد وقالها: ما عشان كدا انتي لازم تقعدي في مكان تاني عشان ميعرفش يوصلك ومتقلقيش انا هبقي اجيلك يا حبيبتي استغربت مايا وقالت: طب انا هروح فين ان شاء الله ما انت عارف ان مليش حد واهلي اتخلوا عني من ساعه ما زين سابني قالها: متقلقيش انا خدت مفتاح شقة واحد صحبي وهتروحي تقعدي هناك لحد ما كل حاجه تبقي تمام ونتجوز بقي المهم تنفذي كل اللي اقولك عليه تمام مايا وافقت علي كلامه واخدت حاجتها وراحت علي الشقة هي وهو.... رجاء بقيت جاهزه لتنفيذ الخطة وقبل ما تخرج من البيت دخلت الاول الاوضة عشان تطمن علي طفل نايم علي السرير وقالت: ربنا يسامحني علي اللي بعمله دا بس كله يهون عشان خاطرك يا حبيبي لو هبيع نفسي مش مهم المهم انك تخف وتبقي كويس الولد صحي علي صوتها وقالها: ماما هو انتي راحه فين وبتعيطي كدا متخفيش عليا انا كويس اهو مش انا البطل بتاعك مينفعش تعيطي وانا موجود ولا اي ابتسمت رجاء لابنها وقالت: ايوة طبعا يا بطلي انا هسيبك بقي وهروح عندي شغل وهجبلك الممرضة تقعد معاك لحد ما ارجع عايزاك تسمع الكلام وتاخد العلاج في وقته اتفقنا رد وقالها: حاضر يا ماما بس متتاخريش عليا عشان انا ببقي محتاجك جانبي وخالي بالك من نفسك وابقي هاتيلي لبس للظابط زي ما وعدتيني ضحكت وقالت: حاضر يا حضرة الظابط يلا بقي همشي عشان اتاخرت يا حبيبي بحبك اوي يا روحي باي خرجت رجاء وهي بتلعن نفسها علي اللي بتعمله بس مقدمهاش حل تاني علاج ابنها غالي اوي وهي معندهاش غيره ولازم تعالجه بي اي طريقه وصلت عند بيت زين واستنيت انه يظهر... وصل زين الشركة وكان منير في الكافتيريا اول ما زين شافه راحه وقاله: تصدق وحشتني يا صحبي سايب الشغل وقاعدلي هنا مش في اجتماع مهم فوق ضحك منير وقال: الاجتماع خلص من بدري يا باشا والصفقة خدناها طبعا ونزلت اشرب حاجه لاني مصدع مش اكتر المهم طمني عليك وليه اتاخرت النهارده رد وقالها: نزلت اشتري شوية حاجات انا ودليلة وحصلت حاجه غريبه نفسي افهمها بس قولت اجي الشركة شوية الاول استغرب منير وقال: خير يا صحبي اي اللي حصل وصحيح سالت دليله وحكيتلك ولا عملت اي معاها يا حبيبي قاله: اه سالتها وهي حكيتلي شكلها غيرها فعلا يا منير بس النهارده واحنا بنشتري الحاجه سبتها عشان اجيبلها ايس كريم ولما رجعت اغمي عليها وفوقتها لاقيتها بعدت عني وفضلت تزعق وبعدين قالتلي يلا نروح رغم انها كانت مبسوطه اوي معرفش حصلها اي منير استغرب برضو وقالت: مش عارف يا صحبي بس ممكن تكون شافت حد ضايقها او افتكرت حاجه او افتكرت الزعيق والمعامله بتاعتك هي البنات كدا مجانيين اوقات زين حس ان كلامه صح وقال: ربنا ييسر لما اروح هتكلم معاها بس قوليلي صحيح مالك حاسك مش علي بعضك خالص انت مخبي عليا حاجه ضحك وقاله: دايما قفشني كدا اه يا سيدي وكنت هكلمك واحكيلك بابا وافق علي شهد وخدت معاد من اهلها وهنروح بكره نتقدم اتبسط زين جدا لصاحبه وباركله وطلعوا يخلصوا شوية شغل وبعدين ركب عربيته عشان يروح... في بيت عمي كانت نسمة قاعده مع نادية وبتقولها: فكرك هتدخل علي زين انا خايفه يكشفها ونروح في ستين الف داهيه ضحكت وقالت: لا متقلقيش اينعم زين اتغير عن الاول بس لسه قلبه ابيض ومش هتهون عليه وهيساعدها وهي شكلها شاطرة رديت وقالت: ربنا يستر بس صح يا خالتي نفترض انها فشلت والعيلة دي طلعت ذكية هنعمل اي ساعتها كدا هنستسلم ولا في خطة غيرها قالتلها: انا مستحيل اسيب ابني ليها لو فشلت هنشوف اي حاجه حته لو خليتك حامل من ابني عشان يسيبها ويرجع لحضني من تاني ابتسمت نسمة بس حاولت متبينش وقالت: انتي بتقولي اي يا خالتي انا مستحيل اعمل كدا حته لو بحبه انا كدا بقلل من نفسي ومضمنش ساعتها هيفضل معايا ولا هيعمل اي قالتلها: متخفيش يا بت دا انتي بنت اختي اكيد مش هتهوني عليا يعني انا بس بقول فكرة وان شاء الله رجاء تنجح ومنعملش اي حاجه تانية رديت وقالت: طب يا خالتي انا هقوم اروح لاني اتاخرت ولو في جديد بلغيني يا حبيبتي ماشي خالي بالك من نفسك باي مشيت نسمة ونادية قالت بق*ف: انا مستحيل اد*كي ابني انتي كمان بس انا محتاجكي دلوقتي اول ما ابني يرجعلي ولا هيبقي ليكي اي لازمه وهعرف اخلص منك بس الصبر حلو زين وصل وقبل ما يدخل بالعربية الفيلا ظهرت رجاء قدامه وغصب عنه خبطه اتخض ونزل بسرعه يشوفها لاقها اغمي عليها نده علي البواب يدخل العربية وشالها علي جوه داده اول ما شافته قالت: يا خبر في اي يا ابني مين دي واي اللي حصل انت كويس اصبر هجيب شوية مياة عشان نفوقها رد وقال: واه والنبي يا داده بسرعه اصلي خبطها بالعربيه وخايف يحصلها حاجه بسببي يلا بسرعه رجاء بداءت تفوق وقالت: انا فين هو اي اللي حصل انتوا مين ااااه يا دماغي مش قادرة حاسه بوجع هيموتني رد زين وقالها: اهدي بس دا يمكن من تأثير الواقعه انا لسه خبطك بعربيتي بس مكنش قصدي خالص لو تحبي نروح مستشفي انا تحت امرك طبعا قالتله: لا ملهوش لزوم انا من يوم يومي نحس مبقتش عارفه اعمل اي ياريتني موت وارتحت بدل العذاب اللي عايشه فيه دا استغرب زين وقال: ممكن تهدي وتحكيلي في اي انا ممكن اساعدك لو اقدر والله متخفيش اعمليلها شوية عصير يا داده بعد اذنك مشيت داده ورجاء بداءت تتكلم وقالت: تساعدني ازاي بس يا بيه انا هربت من اهلي عشان عايزني اتجوز راجل قد جدي ومش عارفه اروح فين جيت هنا اشتغل بس طلعت شقة مشبوهه وهربت منهم بالعافيه ومبقتش عارفه هروح فين ولا هعمل اي زين صعبت عليه وكان عايز يساعدها وقال: طب بصي انا الفترة دي محتاج حد يشتغل هنا ويساعد داده في الشغل لان البيت كبير وهي ست عجوزة ومش حابب اتعبها لو تحبي ممكن تشتغلي هنا رجاء اتبسطت جدا بس محبتش تبين وقالت: انت بتقول اي يا بيه انا مش عايزة اسبب ازعاج لحضرتك وكمان انا مش قد المقام عشان اشتغل في بيتك رد وقالها: ازعاج اي بس دا شغل ومتقلقيش هيبقي ليكي زي مخصص للشغل هنا واوضة تنامي فيها ها قولتي اي قالتله: ربنا يخليك يا بيه يا رب انا مش عارفه اقولك اي بجد انت طيب اوي وان شاء الله ربنا هيرزقك بكل خير وهيسترها عليك زي ما سترتها عليا دنيا واخره ابتسم زين وداده جت وقالها: داده البنت دي من هنا ورايح هتشتغل معاكي هنا عايزاك تعرفيها كل حاجه وبكره هبعت اجبلها الزي بتاعها تمام رديت داده وقالت: ماشي يا ابني ربنا يبارك فيك يا رب بس هي دليلة مالها من ساعه ما جت وهي في اوضتها ومرضتش تاكل اي حاجه هو في حاجه حصلت يا حبيبي زين اضايق اوي وقالها: لا يا داده معلش جهزي انتي الاكل وهاتيه علي فوق وانا هخليها تاكل وخدي دي عرفيها اوضتها فين عن اذنكم رجاء فرحت انها وصلت للبيت وهتبداء التنفيذ من بكره وزين طلع الاوضة وكنت انا واقفه في البلكونه وسرحانه ومحستش بيه غير لما حضني من ضهري وبيقولي: وبعدين معاكي مش ملاحظه ان في حراس تحت ازاي تقفي كدا وشعرك مفروض بالشكل دا تحبي اعاقبك دلوقتي من غير ما احس قولت: ااه عايز تعمل فيا زي ما عملت في مايا واتهمتها في شرفها عشان تداري علي فعلتك صح اتصدم زين اول ما سمع كدا وقالي: انتي اتجننتي اي التخاريف اللي بتقوليها دي جبتي الكلام دا منين انتي ردي عليا رديت وانا بزقه وبدخل جوه وبعيط وقولت: عشان انا قابلتها النهارده وهي قالتلي كل حاجه انت ليه عملت كدا دا انا كنت شايفك محترم وطيب رغم قسوتك ليه يا زين ليه زين زعق وقالي: انا معملتش حاجه هي اللي خاينه ضحكت عليا وطلعت بتخدعني وكل يوم في حضن ابن خالتي انا كنت بحبها والله زين كان بيتكلم وهو باين عليه الصدق واول ما لاقيته بيعيط حسيت انه صادق وبسرعه جريت وحضنته وقولتله: انا اسفه انا برضو مكنتش مصدقها يا زين بس اضايقت من كلامها حقك عليا والنبي متعيطش انا وحشه طب اض*بني بس بطل عياط بقي زين محسش بنفسه غير وهو بيقرب وبيبوسني وشالني علي السرير ومن هنا بقيت مرات زين رسمي.... ياتري رجاء هتعمل اي.... وكريم هيعمل اي بعد رسالة مرات عمه.... وهيحصل اي في مقابلة منير لام شهد.... وهيثم اي حكايته.... وصابر ناوي علي اي.... ونادية هتعمل اي مع نسمة... وسمير صادق مع مايا ولا لا.... واي هيحصل مع دليلة وزين بعد ما بقيت ملكه خلاص... هنعرف الحلقات الجايه انتظرونا....

Free reading for new users

Scan code to download app

App Store Google Play

Facebookexpand_more