الفصل السابع... 🌹

2044 Words

تاني يوم في بيت شهد كانت صحيت وكلها نشاط وجهزت كل حاجه لاستقبال منير وبعد شوية الباب خبط وامها هي اللي فتحت ورحبت بالضيوف ودخلوا قعدوا مصطفي بعد ما قعد فضل باصص لام شهد كتير وبعدين قالها: انتي شكلك مش غريب عليا خالص هو احنا اتقابلنا قبل كدا او حصل اي تعامل بينا ام شهد استغربت وفضلت مركزه معه وقالت: مش عارفه بصراحه بس فعلا حته انت كمان شكلك مش غريب عليا بس مش قادرة افتكر شوفتك فين مصطفي حاول يجمع ويفتكر واخيرا قال: ايوة انا افتكرت انتي ريم صح متخرجه من كلية ادارة الاعمال مش كدا استغربت ام شهد وقالت: ايوة فعلا دي حقيقه انت عرفت منين ثواني كدا اوع تكون لا مش معقول بعد كل السنين دي ضحك مصطفي وقال: شوفتي لينا نصيب نتقابل تاني لا وابني يتجوز بنتك كمان يا سبحان الله بس ازاي انتهي الحال بيكي كدا استغرب منير وقال: انا مش فاهم حاجه خالص هو انت تعرف طنط منين يا بابا وماله الحال دا يعني ما هي عايشه ومخلفه بنت زي القمر ضحكت ام شهد وقالت: يا ابني انا وابوك كونا زمايل في نفس الكلية وانا كنت من النوع اللي لبس وميكاب وخروج وكدا بس خلاص الواحد كبر ونسي كل دا رد مصطفي وقال: زمايل وحبايب ولا نسيتي يا ريم بس تعرفي متغيرتيش عن زمان لسه قمر زي ما انتي لا واحلوتي اكتر ضحكت وقالت: ما خلاص بقي يا مصطفي احنا كبرنا المهم دلوقتي العيال يا شهد هاتي العصير وتعالي يا حبيبتي دخلت شهد وهي فرحانه وسلمت علي الكل وقعدت جانب امها وابو منير قال: طب حيث كدا واننا معرفة قديمه اوي انا حابب اطلب ايد بنتك شهد لمنير ابني قولتي اي رديت وقالت: لا انا دلوقتي مطمنه علي بنتي رغم اني مكنتش مرتاحه في الاول بس طبعا مقدرش افرض عليها حاجه الراي رايها هي بص مصطفي لشهد وقالها: قولتي اي يا عروسة الواد قاعد علي نار وحاسس انها خلاص استوي وبقي علي اخره وهناكله علي الغداء ضحكت شهد وقالت: انا معنديش اعتراض اللي ماما تشوفه طبعا هي اكيد مش هتختار ليا غير الصالح وهي عارفه مصلحتي اكتر مني ابتسم منير وقال: حيث كدا بقي نقراء الفاتحه والخطوبة اخر الاسبوع وكمان شهرين الفرح ولا نقول كتب كتاب دلوقتي علي طول ضحك الكل علي جنان منير وام شهد قالت: اي السرعه دي لا طبعا كفايه قراية فاتحه دلوقتي شهد لسه صغيرة ولسه ناقصها كتير الكل فرح وقراء الفاتحه وهتبداء للتجهيزات للخطوبة اللي اخر الاسبوع وقام الكل يتغداء سواء وسط نظرات مصطفي اللي شكله لسه بيحب ريم جدا... صحيت من النوم وانا لسه في حضن زين كنت فرحانه اوي فضلت سرحانه في وشه لاقيته فتح عينه وقالي: انا عارف اني حلو ومتقومش بس مش كفايه دلع بقي ونقوم ات**فت اوي وقولت: انت رخم علي فكره وكمان انا كنت قايمه بس كان في حاجه علي وشك بشيلها مش اكتر ضحك وقال: ماشي يا لمضة هانم يلا بقي نقوم ناخد دش هتدخلي انتي الاول ولا انا او اي رايك ندخل سوي هيبقي احلي دش شهقت من الخضه وقومت بسرعه وقولتله: انت قليل الادب اوي يا زين بجد قال ناخده سوي قال اياك تقرب مني انت هتعمل اي زين بلاش جنان عشان خاطري لاقيته شالني من غير ما يرد عليا ودخل بيا علي الحمام وهو بيقول: دليلة هانم محتاجه شور حلو ومحدش هيدهولها غيري انا جوزها حبيبها كنت مبسوط اوي بجد بس مكنتش اعرف ان كل دا هيبقي لوقت قصير خلصنا ونزلنا عشان نفطر سوي بس كانت اول مره اشوف رجاء دي تحت وكان شكلها مش لطيف خالص اول ما شوفتها قولت لزين: ابيه هي مين دي وبتعمل اي هنا مش قولت انك مش بتشغل حد في الفيلا ولا كنت بتكدب عليا رد وقال: انا مش بحب الكدب ومستحيل اكدب مهما حصل دي بنت غلبانه خبطها امبارح ومحتاج للشغل فقولت تشتغل هنا واهي تساعد داده كنت هرد بس سكت لما لاقيتها بتحط الاكل قدامنا وبتقول بدلع: انا اللي حضرت الفطار بنفسي يا زين بس بتمني يعجبك وابقي جرب النوع دا متاكده انك هتاكل صوابعك وراه اتعصبت اوي وحسيت بالغيرة وروحت قايمه وقاعده علي رجل زين وقولت: شكرا اتفضلي علي المطبخ ولو عوزنا حاجه هنقولك وصح اعملي حسابك زين جوزي حبيبي بيحب ياكل من ايدي فياريت تهتمي بكل حاجه الا الاكل تمام زين فضل يضحك عليا وهي مشيت من غير كا ترد وجيت اقوم راح شدني وقال: انتي راحه فين مش قعدتي خليكي بقي واكليني بي ايدك يا حلوة اصلي جعان اوي وايدي وجعاني قولتله بتوتر: زين عيب كدا سيبني اقوم انا بس كنت كنت اه كنت بعدلك شعرك عشان متبهدل واتكعبلت وقعدت كدا اسفه ضحك وقال: والله وانا عيل صغير وهصدق وحته لو وبالنسبة للكلام اللي قولتيه للبت دا اي بقي ل**نك قاله لوحده كدا رديت بغضب وقولت: عايزني اعمل اي مع البت الملزقة دي عماله تدلع وتتسهوك عليك قدام مراتك كدا عادي معرفتش اسكت ممكن تسبني اقوم بقي ضحك عليا وقال: طب خلاص اهدي انتي تعملي اللي عايزاه ممكن تاكليني بقي عشان خاطري يا دليلة هانم هتسيبك جوزك جعان اهون عليكي ضحكت وقولت: لا متهونش بس هي المره دي بس انت مش عيل صغير ماشي يلا كول بالف هنا بس مش هنقرب للطبق دا ضحك وقال: اؤامرك يا دليلة هانم وصحيح منير صحبي راح النهارده وطلب ايد شهد واتحددت الخطوبة وهنروح سوي بصتله بفرحه وقولت: بجد يا زين الله يا شهد هتبقي عروسة وهتلبس فستان فرح كدا... وكملت بحزن: يا بختها بجد ربنا يسعدها بصلي وقال: انا شبعت الحمدالله هقوم اروح الشركة ولو عوزتي حاجه كلميني تمام خالي بالك من نفسك سلام مشي وسابني وهو شكله فعلا مخدش باله اني مضايقه هو ازاي ميحسش بيا حاولت اهدي عشان اشوف البت الملزقة دي في الشركة منير كان وصل بعد ما خلص كل حاجه مع ام شهد واول ما دخل مكتبه دخل وراه السكرتير وهو مرعوب وبيقول: الحق يا منير بيه الشحنه بتاعت البضاعة الجديده اتسرقت اتصدم منير وقال: انت بتقول اي ازاي دا حصل والناس اللي كانت مع الشحنه بتعمل اي الله يحرقكم دي بضاعه بملايين دا زين هيخرب بيتكم واحد واحد الراجل رد وقال: والله ما اعرف حاجه واحد من العمال اتصل وقال ان في ناس طلعت عليهم ومعهم سلاح وض*بوا نار وسرقوا الشحنه ومعظم العمال ماتوا دخل زين فجاه وقال: اطلع انت بره دلوقتي ومش عايز حد يدخل ولو في اي اجتماعات الغيها مفهوم يلا اتفضل خرج السكرتير ومنير بص لزين اللي كان هادي خالص وقال: انت ازاي هادي بالشكل دا البضاعه دي هتخسرنا كتير اوي يا زين هنعمل اي دلوقتي الشحنه لازم تتسلم او هيبقي لازم ندفع الشرط الجزئي اللي هو اصلا مش معني رد زين وهو بيولع سجارته بكل برود وقال: ومين قال ان الشحنه مش هتتسلم كل حاجه هتم في وقتها متقلقش انا عامل حساب كل حاجه وكنت عارف ان دا كله هيحصل استغرب منير وقال: انت بتقول اي ازاي تكون عارف ان الشحنه هتتسرق ومتعملش حسابك وازاي اصلا متعرفنيش يا زين انت بتستهبل رد وقال: منير انا مش بحب الصوت العالي وانت عارف كدا كويس وكمان انت كنت فرحان ومكنتش عايز ا**ر فرحتك ومتقلقش الشحنه هترجع انا كنت عايزاها تتسرق عشان اخلص من اللي سرقها منير فضل مصدوم وقال: اوع يكون قصدك انك عارف مكان الشحنه وعارف مين هي**قها وقاعد قدامي دلوقتي وساكت ضحك وقال: لا وبلغت عنه كمان والشحنه ساعه بالكتير اوي وهتكون في المخازن بتاعتنا شوفت انها بسيطه ازاي وانت اللي مكبر الموضوع ضحك منير وقعد جانب زين وقال: انت مصيبه والله بس كويس انك عملت كدا وعلمت عليهم صحبي اللي مفيش منه بقي زين رد بحزن وقال: منير انا مش عارف اعمل اي انا خليت دليلة مراتي حاسسها غير الكل بس زعلان عليها لما شوفت النهارده نظرة الحزن في عينيها لما اتكلمت عن الفرح وكدا رد منير وقال: بصراحه عندها حق يا زين اي بنت في سنها بيبقي نفسها في فرح وفستان والكلام دا بيفرق معاها اوي انت لازم تعوضها فضل زين يفكر هيعمل اي عشان يعوضني ويفرحني لان حاسس اني استاهل دا.... عند نسمه كانت في النادي وسط صحابها وفجاه ظهر هيثم اول ما صحبة نسمة شافته ضحكت وقالت: العاشق الولهان جه اهو والله يا بنتي صعبان عليا باين عليه بيحبك اوي يا نسمة متديه فرصة يا بنتي وفكك من زين الزفت دا اتعصبت نسمة وقالت: اسيب الملايين وابص الملاليم انتي اتجننتي ولا اي دا مستحيل يحصل واسكتي بقي لما نشوفه عايز اي قرب هيثم وهو بيبتسم وقال: ازايكم يا جماعه اي الاخبار انسة نسمة عامله اي بقالي كتير مشفتكيش بتمني تكوني بخير ابتسمت نسمة وقالت: الحمدالله يا هيثم عامل اي انت اللي مش بتيجي من حقك طبعا الشغل واخد وقتك كله عشان تبقي في مركز احسن اضايق هيثم بس حاول ميبينش وقال: طبعا يا انسة نسمة الواحد عايز يتقدم لقدام مش يرجع وعشان كدا لازم يهتم بشغله ويعمل كل اللي عليه عشان محدش يكون احسن منه نسمة اضايقت انه مضايقش وقررت تعمل فيه مقلب صغير كدا وراحت بصتله بحزن وقالت: هيثم هو انت ينفع تساعدني في حاجه الاندال دوال مفهمش راجل عشان يساعدني وانا مش عارفه اعمل اي بجد فرح هيثم انها شايفه راجل وهيساعده وبسرعه قال: طبعا انا تحت امرك قوليلي محتاجه اي ومش هتاخر عليكي ابدا ابتسمت نسمة وقالت تعال معايا وانا هقولك وبصت لصحابها وغمزت ليهم واول ما وصلت عند النفورة اللي في النادي قالت: بص يا هيثم الحلق بتاعي وقع مني هنا وانا بحبه اوي ومش هعرف انزل طبعا اجيبه ممكن تجبهولي كانت هي فعلا رميته عشان هو يوافق وهيثم بصلها وقال: حاضر من عيني بس كدا ثواني.... بداء زين يرفع رجل البنطلون وكم التيشرت بتاعه ونزل في النفورة عشان يجيب الحلق وراحت نسمة باصه لصحابه عشان يشغلوها وفعلا اشتغلت وهيثم بقي كله مياه والكل اتجمع وفضل يضحك عليه ونسمة قالت: هو دا بقي مقامك يا هيثم انك تخدمني انا واللي زي بلاش تفضل تبص لفوق عشان رقبتك متوجعكيش وتنزل عليها وتت**ر تمام خلي الحلق ليك وخد الفردة التانية كمان واعتبره مكافاة ليك سلام مشيت نسمة وهيثم كان مقهور اوي من اللي عملته فيه بس مش قادر يكرهه لانه للاسف بيعشقها ونسي كل اللي حصل وكل اللي ركز فيه ضحكتها اللي بتنور وشها طلع من النفورة ومشي علي بيته وهو كل اللي شاغله ازاي يخليها تحبه وتشوفه... نادية كانت قاعده مستنيه عمي واول ما وصل حضنته وقالت: وحشتني اوي يا صابر هنفضل لحد امتا نبعد عن بعض انا مراتك علي فكره وليا حق عليك استغرب اوي وقال: في اي يا نادية مش مرتاحلك ناوية علي مصيبة اي المرادي تعالي دغري بصتله وحاولت تهدي وقالت: هو عشان وحشتني يبقي ناوية علي مصيبه يا سيدي تشكر بس مفيش حاجه انا بس حاسه اني زودتها معاك وعايزة اعوضك رد وقالها وهو مش مقتنع: ماشي يا ستي طب اي في ريحة اكل حلوة شكلك دخلت المطبخ النهارده وهدلعيني ضحكت وقالت: وعامله كل الاكل اللي بتحبه كمان يا حبيبي عشان تعرف انا قد اي بحبك يلا بقي قبل ما يبرد قعد عمي ياكل وهو نفسه يعرف هي عايزة اي وبعد ما خلص قالت: قوليلي صحيح يا صابر هو انا ينفع انزل الشركة معاك انا زهقانه من البيت بصلها باستغرب وقالها: تعملي اي في الشركة يا نادية متنزلي مع صحابك او تروحي النادي او اي حاجه الشركة شغلها متعب اوي رديت وقالت: حابه اكون جانبك يا حبيبي واساعدك فيها اي دي اعمل حسابك من بكره هنزل معاك بقي اتفقنا سابته وقامت من غير ما يرد وهو مبقاش مرتاح ونفسه يوصل للي في دماغه بس الاحسن اللي هي تفضل قصاد عينه فعلا وطلع ينام في البيت كنت قاعده والبت الملزقه دي مضايقني وعشان متقربش من الاكل وقفت وخليت داده تساعدني وحضرت انا الاكل لزين بعد شوية وصل زين من غير ما احس وطلع علي الاوضة وبعد ساعه نزل استغربت انه نازل من فوق وقال: انت جيت امتا انا محستش بيك وكنت بتعمل اي فوق رد وقالي: مفيش كنت باخد دش وبغير هو انتي كنتي بتعملي اي في المطبخ يا دليلة اوعي تكوني بتحطيلي سم في الاكل ضحكت وقولت: تصدق انك رخم دا انا من الصبح بعملك الاكل رغم ان عمري ما دخلت المطبخ قبل كدا انا غلطانه قرب ومسك ايدي وباسها وقالي: تسلم ايدك يا حبيبتي مكنش ليه لازم تعبك ورغم اني ملي نفس هقعد اكل عشان خاطرك ات**فت وبسرعه شديته ايده وقولتله: طب يلا عشان الاكل علي السفرة وعايزة اعرف رايك يارب يعجبك بجد قعد زين واكل وكانت تعبير وشه وحشه حسيت ان الاكل وحش وزعلت وفجاه ضحك وقال: تسلم ايدك اهدي الاكل حلو اوي بالنسبة لاول مره يلا بقي كولي معايا فرحت اوي وكلت انا كمان وبعد ما خلصنا قالي: يلا تعالي معايا يا داده بعد اذنك شيلي الاطباق وخلي رجاء تساعدك وقبل ما ندخل الاوضة قالي انه نسي التلفون واني ادخل انا عقبال ما اجي واول ما دخلت اتصدمت باللي حصل..... ياتري هيثم هيفضل ساكت علي عمايل نسمة دي... ونادية ناوية علي اي... واي هيكون رد فعل صابر.... واي حكاية نظرات مصطفي لام شهد... وكريم هيعمل اي بعد ما يعرف بخطوبة شهد... واي اللي حصل لدليلة لما دخلت الاوضة.... هنعرف الحلقات الجاية.... انتظرونا...

Free reading for new users

Scan code to download app

App Store Google Play

Facebookexpand_more