الفصل الثامن... 🌹

2000 Words

اول ما دخلت كانت الاوضة كلها ورد وشكولاته ودباديب مكنش فيها مكان فاضي كل الانواع اللي بحبها وكل الدباديب اللي كان نفسي فيها بجد مكنتش مصدقه نفسي وعيط من كتر الفرحة معقول يكون زين اللي عمل كل دا فجاه سمعت صوته جاي من ورايا وبيقولي: بتمني المفاجاه تكون عجبت دليله هانم ولو في حاجه نسيتها ممكن تقولي عليها وفي ثواني تكون عندها لفيت وبصتله بفرحة ودموع ولحظت خوفه عليا وهو بيقول: اي دا مالك يا دليلة في اي انا مكنش قصدي تزعلي بالشكل دا انا كنت عايز افرحك وبس بتعيطي ليه حضنته من غير ما احس وقولتله: بس يا زين ازعل اي بس انت بجد عملت كل دا عشاني انا بجد مش قادرة اصدق دي احسن مفاجاه تحصلي في حياتي اصلا عمري ما حصلي مفاجاه قبل كدا ربنا يخليك ليا رد وقالي وهو بيطبطب عليا: يا حبيبتي دي حاجه بسيطه لو هتفرحك بالشكل دا مستعد اعملها كل يوم المهم تفضلي تضحكي دايما بس من غير دموع لانهم غاليين عندي اوي بعدت عنه وبصتله بحب وقولت: انا بجد مش عارفة اقولك اي بس بجد شكرا بس قوليلي صحيح اي سبب المفاجاه الحلوة دي ابتسم وهو بيحط ايده علي شعره بتوتر وقال: مفيش يا ستي حسيت انك زعلانه الصبح ومهنش عليا تفضلي كدا فحاولت اعمل حاجه تفرحك وبس دا اللي حصل ضحكت وقولتله: طب اي هو انا هاكل كل الشكولاته دي لوحدي وبعدين انت هتنام فين انت مش سايب مكان فاضي يلا ساعدني نشيلها وهتشاركني فيها انت وداده بس رجاء الملزقة دي لا لاقيته بيضحك اوي وبيقول: انتي حطاها في دماغك ليه بس هو انا اقدر ابص لحد غيرك انتي خلاص سرقتي قلبي وروحي وعيني وبقيت مكتفي بيكي فرحت اوي بكلامه وبداءنا نروق الاوضة سوي وبعدين اخد دش وخدني في حضنه ونمنا من تعب اليوم... تاني يوم راح كريم الشركة لمنير ودخل المكتب من غير ما يخبط ومسك منير من هدومه وقاله: بقولك اي بالذؤق كدا ابعد عن شهد انا مستحيل اسيبها ليك شهد بتاعتي انا وبس انت فاهم ولا افهمك بطرقتي منير زق كريم بعيد عنه وقال: لولا انك ابن عمها وانا عامل احترام لصلة القرابة كان زمان مدفعك تمن اللي عملته دا غالي اوي ابعد عن طريقي احسن ليك يا كريم ضحك كريم وقاله: فكراك انا كدا خوفت لا يا عسل مش كريم اللي يخاف وصدقني مش هسيبك تتهاني بيها لحظه واحده وهتشوف خرج كريم وهو متعصب وبيخطط للعبة كبيرة وهو خارج خبط في زين ومبصلهوش حته دخل زين المكتب عند منير وقاله: مين دا يا منير وخارج متعصب اوي كدا ليه اي اللي حصل رد منير بعصبيه وقال: جاي يهددني في مكتبي الباشا يبقي ابن عم شهد وجاي عايزني ابعد عنها فاكرني ع**ط وهسيبهاله دا بي عينه ضحك زين وقال: طب اهدي يا ابني الحوار مش مستاهل كل دا فكك منه مش هيقدر يعمل اي حاجه ولا تعصب نفسك خالص ضحك منير وقال: يا سبحان مغير الاحوال الاول كنت بتشل عشان تبتسم بس ودلوقتي بتضحك لا وبتهديني انا اي اللي حصل في الدنيا بس ضحك زين وقال: والنبي يا اخويا ما اعرف بس دليلة غيرت حياتي خالص قدرت تصحي قلبي من جديد ورجعتلي روحي بقيت معاها اسعد انسان رد منير وقال: الحمدالله يا صحبي اخيرا شوفتك مبسوط ربنا يريح بالك وقلبك ممكن بقي طلب رخم لو معندكش مانع يعني رد زين وقال: مش مرتحلك يا واد انت بس ماشي اطلب اللي انت عايزوا يا حبيب اخوك عايز اي انا عيني ليك اتكلم منير وقال: يعني لو ينفع تسمح لدليلة تروح مع شهد عشان تجيب فستان الخطوبة عشان هي صحبتها الوحيده زين كان عايز يرفض بس محبش ي**ف صحيه وقاله: ماشي يا منير نبقي نروح معهم اهو نغيؤ جو ونتغداء سوي بعد ما يخلصوا ونشتري البدل فرح منير وقال: ربنا يخليك ليا يا اخويا يارب يلا بقي نشوف الشغل عندنا صفقة مهمه اوي لازم تتم بي اي شكل صحيت من النوم وانا بدور علي زين جانبي وملقتهوش قومت مخضوضة لاقيت داده واقفه وبتقولي: صباح الخير يا حبيبتي اهدي انا جانبك اهو ملهوش داعي الخوف دا بسرعه قولتلها: امال زين فين يا داده راح فين من غير ما يقولي هو وعدني كل يوم هنفطر سوي ليه خلف بوعده دلوقتي جت داده حضنتني وقالت: في اي يا دليلة انتي مبقتيش عيله صغيرة زين برضو عنده شغل والتزامات مش هينفع يفضل قاعد جانبك هنا قبل ما ارد عليها جتلي رساله علي التلفون وكانت من زين بيقولي: صباح الخير يا طفلتي معلش انا كان عندي شغل مهم ولازم اروحه بس هعوضك وعندي ليكي خبر حلو بكره هننزل مع منير وشهد عشان تساعديها في اختيار الفستان يلا يا قمري قومي افطري وبلاش دموع مفهوم فرحت جدا وقولت لداده: انتي عندك حق يا داده انا اصلا مش عارفه هلاقي زي زين فين ممكم تحطيلي الفطار في الجنينه لحد ما البس وانزل وفعلا نزلت افطر في الجنينه وفجاه لاقيت سمير ابن خالة زين داخل عليا كنت مرعوبة بس حاولت مبينش دا قرب مني وقالي: صباح الخير ممكن اتكلم معاكي شوية قولتله: انا اسفه زين مش هنا واصلا مفيش كلام بينا اتفضل عشان مينفعش كدا احسن ما اتصل بزين وساعتها مش هيحصل خير رد وقالي: لا ما هو لازم حد يسمعني انا خلاص تعبت ارجوكي اسمعيني انا بحب زين وعايز نرجع اخوات وصحاب زي الاول واكتر مبقتش عارفه اعمل اي بجد اتوترت اوي ولاقيته قعد وقالي: صدقيني انا عارف اني غلط بس انا بحب زين هي قدرت تخدعني وانا زي اي شاب ضعفت بس دلوقتي انا ندمان ونفسي زين يديني فرصة واحده رديت وقولتله: بس انت غلط اوي وزين رغم ان قلبه طيب بس انت جرحته اوي يا سمير انا بجد مش عارفه اقولك اي قالي: انا عايزاك بس تتكلمي معه وتخليه يديني فرصة ويسمعني وصدقيني هبقي شاكر ليكي جدا حاولي بالله عليكي رديت وقولت: حاضر يا سمير انا هحاول اتكلم معه بس موعدكش ربنا يقدم اللي فيه الخير ولو نيتك خير ربنا هيقف معاك لاقيت مسك ايدي وقال: شكرا جدا يا قمر بجد مش عارف اقولك اي انتي هتعملي فيا جميل كبير بس بلاش تقولي لزين اني جيت هنا ممكن استغربت وقولتله: ان شاء الله يا سمير بعد اذنك بقي ممكن تمشي وانا هتكلم مع زين وهحاول اعمل اللي اقدر عليه مشي سمير وهو مبسوط باللي عمله وبص لحد وغمزله ومشي وانا كنت قاعده مش علي بعضي خالص وبحاول اهدي خالص وقومت احضر اكل لزين عقبال ما يرجع نادية راحت مع عمي الشركة فعلا وبقيت قاعده معه في المكتب بتاعه دخلت سكرتيرة سنها قريب لنادية وقالت: استاذ صابر في اجتماع مهم مع العملاء الجداد حضرتك لازم تحضره رد وقالها: تمام يا ندي جهزي اوضة الاجتماعات وانا جاي وراكي وبعد اذنك اطلبي لمدام نادية قهوة معلش هتعبك معايا رديت بابتسامه وقالت: حاضر يا استاذ صابر هبعتهالها مع عامل البوفيه عن اذن حضرتك خمس دقايق والاوضة تكون جاهزة اول ما خرجت نادية بصتله وقالت: دا مين البتاعه دي وازاي تسمحلها تضحك كدا واصلا ليه مشغل ستات هنا انا مش فاهمه رد وقالها: في اي يا نادية دا شغل وهي معملتش حاجه بالع** دي لطيفه وبتعمل شغلها كويس اوي خلينا في المهم انتي هتفضلي قاعده كدا ولا هتعملي اي رديت وقالت: مين قال كدا انا هحضر معاك الاجتماع وهقعد في الكرسي اللي جانبك لازم اتعرف علي الموظفين اللي هشتغل معهم بصلها وقال: تشتغلي مع مين هو في اي بالظبط يا نادية انتي عايزة اي من امتا بتحبي الشغل واصلا هتشتغلي اي هنا قالتله: هشتغل المديرة التانية يعني القرار ليا في عدم وجودك يا حبيبي دا مال جوزي ولازم احافظ عليه وكمان يا قلبي اهو اكون جانبك علي طول رد وقالها: ماشي يا نادية اهو تبقي تحت عيني بس ياريت اي قرار تاخديه ترجعيلي فيه الاول يا نادية انتي فاهمه ابتسمت بانتصار وقالت: حاضر يا حبيبي من عينيا يلا بقي عشان الاجتماع مش هينفع تاخير من اول يوم كدا مشي عمي وهو مستغرب اوي ونفسه يعرف هي ناوية علي اي بداء الاجتماع والكل اتعرف عليها وعرف انها المدير التنفيذي الجديد للشركة اتكلم صاحب الصفقة وقال: يا استاذ صابر انت المستشفي بتاعتي محتاجه فعلا الادوات اللي طلبتها وانا جاي علي سمعة الشركة وبتمني يحصل تعامل ما بينا عمي مكنش مرتاح للراجل دا وقاله: يا استاذ حسن المستشفي بتاعتك كل شهر تستورد ادوات جديده ومش بدوم عندها وكذا شركو اشتكيت ان الادوات بتاعتها بتتبدل مجرد ما تدخل المستشفي انت اي رايك في الكلام دا رد بتوتر وقال: كل دي اشاعات يا استاذ صابر وعشان كدا حبيت اتعامل مع شركتك عشان اثبت الكلام دا قاله: تمام يا استاذ حسن هندرس الموضوع وهنرد عليك في اقرب وقت وباذن الله اللي فيه خير يقدمه ربنا خرج حسن من الاجتماع وكل الموظفين ورجع عمي المكتب بتاعه ونادية وراه وقالت: انت ازاي ترفض عرض زي دا انت عارف هتخسر كام دا عايز بضاعه بالملايين رد وقالها: دا شغله مشبوه بياخد الادوات ويرها بره بالمليارات ويدخل ادوات تانية المستشفي وناس كتير بتموت غير الضرر اللي هيجي لشركتي وانا مستحيل اسمح بكدا قالتله: وانت مالك المهم الفلوس اللي هن**بها ولو فعلا كلامك صح هيبقي سهل ترفع عليه قضية وتثبت ان دي مش ادواتك رد وقالها: نادية اقفلي الموضوع دا انا مش هتعامل مع الشخص دا لو اي حصل مفهوم ولو سمحتي روحي مكتبك انا خليت الموظف يجهزهولك خرجت نادية وهي متعصبة وراحت مكتبها وهي بتخطط لحاجه كبيرة وبتبتسم بشر... زين خلص كل شغله ورجع البيت بس قبل ما يدخل رجاء قابلته في الجنينه اول ما شافها قالها: خير يا رجاء واقفه كدا ليه محتاجه حاجه اظن الوقت متاخر وبرد اوي مالك انتي كويسه رديت بتوتر وقالت: انا اسفه يا زين بيه علي اللي هقوله بس انا اللي شوفته وسمعته مش هقدر اسكت عليه ابدا زين استغرب وقال: اللي شوفتيه وسمعتيه في اي يا رجاء متتكلمي علي طول انا مش فاهم حاجه خالص حصل اي رديت وقالت: اصل النهارده يا بيه في شاب جه ودليلة هانم بتفطر في الجنينه وقعد معها وكانوا بيتكلموا بالصدفه شوفتهم وسمعته وهو بيقولها مش لازم زين يعرف اني جيت هنا وبصراحه يا بيه مسك ايدها زين اتعصب اوي وقالها: انتي بتقولي اي انتي اتجننتي مين دا واي اللي يثبت كلامك اصلا انطقي شكلي غلط لما سيبتك هنا قالتله بدموع: يا بيه انا مش بكدب ومش هستفيد حاجه حضرتك مش مصدقني تقدر تشوف الصورة دي اول لما لاقيته كان ماسك ايدها صورته بس معرفتش اجيب وشه زين اتعفرت ومبقاش شايف قدامه ودخل وهو بيزعق وبيقول: دليلة انتي فين انتي يا زبالة كنت بحضر السفرة اول ما سمعت صوته اترعبت وفجاه دخل عليا الاوضة بتاعت السفرة ومسكني من شعري وقال: بقي انتي يا بتاعه بتخونيني انا لا وجيباه بيتي انتي جايبه الجراءة دي كلها منين قوليلي مين دا وازاي يمسك ايدي ردي عليا مكنتش قادرة شعري كان وجعني وقولتله: حرام عليك يا زين اسمعني ارجوك وسيب شعري مش قادرة بيوجعني اوي زقني علي السفرة اللي وقعت عليه وات**رت هي وكل الاطباق وقالي: انا ازاي اتخدعت فيكي بالشكل دا انتوا كلوا واحد انا هعرف ازاي اربيكي يا دليلة لازم اوريكي الوش التاني انا بكلمك مش بتردي عليا انتي يا زبالة لما اكلمك.... سكت اول ما شافني وشي متعور وبيجيب دم وانا اغمي عليا بسرعه شالني وطلعني الاوضة وفوقني وقام جاب ادوات التعقيم وبداء يداوي الجروح بتاعتي ولما خلص جه يقوم مسكته وقولتله: زين ارجوك اسمعني انت فاهم غلط اديني فرصه واحده افهمك فيها اللي حصل وبعدها اعمل اللي انت عايزوا ومش هعترض بصلي اوي وراح قاعد جانبي علي السرير وقال: طيب يا دليلة هسمعك بس دي فرصتك الوحيده واياك تفكري تكدبي عليا تمام يلا اتكلمي اتكلمت وحكيتله كل اللي حصل من ساعة ما سمير جه لحد ما مشي وقولتله: والله يا زين دا كل اللي حصل انا مش بكدب عليك ولو مش مصدقني خلاص كمل ض*ب فيا بس انا مستحيل اكدب عليك ابدا وكنت هعرفك لاقيته قرب وحضني وقالي: طب اهدي انا اسف بس مستحملتش اني اعرف ان حد لمسك غيري دي فكرة انك تقولي اسم راجل تاني بتجنني ما بالك يلمسك حقك عليا يا حبيبتي فضلت اعيط وشده في حضنه لحد ما نمت علي نفسي وهو راح حطني علي السرير وغير هدومه ونام جانبي وهو واخدني في حضنه تاني يوم صحيت ونزلت من غير ما يحس عشان احضرله الفطار لاقيت رجاء واقفه بتغني وفرحانه اوي روحت قولتلها: بت انتي بطلي الق*ف اللي بتعمليه ده واحترمي نفسك انتي في بيت محترم رديت وقالت: هو انا عملت اي كنت بغني شوية بدل من النكد دا يا هانم مغلطش يعني تحبي اعملك حاجه اروق دمك زقيتها ومردتش عليها وحضرت الفطار وطلعت لزين واول ما دخلت اتصدمت باللي شوفته.... ياتري نادية هتعمل اي.... واي حكاية حسن دا.... وسمير ناوي علي اي... وزين هيعمل فيه اي... واي اللي كريم ناوي عليه.... وهيحصل اي في الخروجه... واي اللي دليلة شافته... هنعرف الحلقات الجاية... انتظرونا....

Free reading for new users

Scan code to download app

App Store Google Play

Facebookexpand_more