TANGHALI na nang makarating si Sab sa bakeshop. Nang makita siya ng mga tauhan niya ay agad na naglapitan ang mga ito para kumustahin siya.
"Kumusta ka na?" nag-aalalang tanong sa kaniya ni Trisha na nagmadaling lumabas sa kitchen nang malamang nakarating na siya.
"Okay naman ako. Hindi naman ako nasaktan kagabi. Kaya lang parang na-trauma ako sa nangyari."
Inalalayan siya nitong maupo sa bakanteng silya.
"Dapat hindi ka muna pumasok. Umuwi ka na lang kaya. Magpahinga ka muna. Ako na munang bahalang mag-bake ngayong araw."
"Okay lang ako, Trish. Kaya kong magtrabaho." Tumingin siya sa mga empleyado na nakapalibot sa kaniyang kinauupuan. "Thanks for your concern, guys. Okay na ako. Magpapahinga lang ako sandali sa office. You may now go back to work."
Agad namang sumunod ang mga ito s
