NANG magising si Matteo kinaumagahan ay mahimbing pa ring natutulog si Sab. Napatingin siya sa babaeng naka-unan sa braso niya. Hinaplos niya ang maamong mukha ng asawa, ang babaeng dahilan kung bakit namatay ang kaisa-isa niyang kapatid na si Anthony, ang babaeng labis niyang kinamumuhian.
A devil in disguise, naiiling na sabi niya sa sarili habang patuloy na nakatingin sa mukha nito. Kahit gaano kaamo ang mukha ni Sab, para sa kaniya ay isa itong masamang babae.
Sa totoo lang ay hindi niya naman talaga minahal si Sab. Lahat nang pinakita niyang pagmamahal dito noon ay puro kasinungalingan lamang. Lahat ng iyon ay parte lamang ng kaniyang maitim na plano para maipaghiganti ang pagkamatay ng kaniyang kapatid.
At ngayong kasal na sila ni Sab at tuluyan na itong nahulog sa bitag niya, mad
