AGAD na napasimangot si Sab nang magising kinaumagahan. Una niya kasing nakita ay ang kaniyang asawa na noon ay nagbibihis. Nang magtama ang kanilang mga mata ay iniripan niya ito tapos ay padapang nahiga. Hanggang ngayon ay naiinis pa rin siya kay Matteo. Pinagluto niya ito kahapon ngunit hindi ito umuwi nang maaga tulad nang pinangako nito. Nakatulugan na niya ang paghihintay dito kaya hindi niya alam kung anong oras ito umuwi kagabi o kung umuwi nga ba ito kagabi. Nasayang na naman ang effort niya at ang mga pagkaing niluto niya.
"Ang aga-aga ang sama ng mood mo. May regla ka ba?" Naglakad si Matteo palapit sa kaniya at naupo sa gilid ng kama.
Hindi siya kumibo. Ganito talaga siya kapag naiinis. Naka-ugalian na niya ang manahimik sa tuwing masama ang loob niya.
"Nga pala, ang dami na
