"Waaaaah!" sigaw ko. Mas domoble ang kaba na aking naramdaman nang mas lalong lumakas rin ang mga kaluskos. Parang may tumatakbo sa mga talahiban at tila napuputol ang mga sanga kasabay ng paggalaw ng mga dahon ng puno tila may nilalang na tumatalon talon doon palapit sa kung saan ako naroon. May narinig din akong pagaspas ng pakpak ng ibon. Malakas iyon, at bawat pagkampay ng kanyang pakpak ay naghatid ito sa akin ng malamig na hangi'ng nanunuot sa aking balat. Nagpalingalinga ako pero wala akong makitang kahit anong nilalang na tumatalon sa mga puno, o lumilipad sa himpapawid.
Ilang saglit pa ay tumigil ang lahat. Tumahimik ang paligid, tanging malakas na tambol lamang ng aking dibdib ang aking narinig. Napalingon ako sa bandang likuran nang biglang may narinig akong isang angil ng hay
