Hindi ko alam kung dapat ba akong ma-guilty dahil pakiramdam ko, ako ang dahilan kung bakit sila nag-break. Medyo natakot din tuloy akong asarin muna si Sir Jayden dahil baka mainit ang ulo o broken. Noong nakaraan lang ay sobrang saya niya pero ngayon naman ay bigla-bigla siyang nakipag-break doon sa lalaki.
Nasa loob na kami ng eroplano. Hindi pa iyon umaalis pero nasa kanya-kanyang upuan na kaming lahat. Hindi nakapalag sa akin ang kasamahan kong lalaki na dapat talaga na nakaupo sa kinauupuan ko ngayon. Nasa tabi kasi ako ng bintana ngayon pero nakipagpalit lang ako sa kanya dahil nasa aisle ang pwesto ko. Sa takot nito ay kaagad itong pumayag.
Mabuti na nga lang at malayo sa akin sila Janna kaya’t matatahamik ang buhay ko. Si Sir Jayden naman ay nasa harapan nakaupo. Tahimik lang
