NAGTATAKANG sinundan na lang ng tingin ni Honey ang lumampas sa kanyang si Crizzle. Nakabusangot ito at halos mag-martsa palayo. Nakaawang ang mga labing napailing na lang siya. Kailan pa nagsimulang magkaroon ng tantrums ang kasamahan nilang iyon na laging nakangiti? Ang tingin nga nila rito ay walang dull moments. Bagong graduate ito at kakilala ni Tita Lydia ang mga magulang. Madalas ay kasama ni Hazelle para i-train. Si Scarlet naman ay si Hazenne ang laging kasama.
Nag-warning knock siya sa pinto bago binuksan iyon. Galing siya sa flower shop. Dumaan siya sa Heart's Place para kausapin si Hazelle at linawin ang ilang impormasyon tungkol sa ino-organize nitong kasal. Magfo-forward siya ng listahan ng mga bulaklak sa farm na kakailangain nila. Hindi niya nakausap si Hazelle nang nagdaa
