"One year pa lang," sagot ni Benito sa pag-uusisa ni Ybeth kung matagal na sila. Muling nagtanong si Ybeth kung saan at paano sila nagkakilala.
"Sa school," siya ang sumagot. "First day, magkatabi kami ng upuan," hindi niya napigilang mapangiti ng malapad, naalala niya ang totoong scene nila nang araw na iyon. Nang sulyapan niya si Benito ay ngiting-ngiti rin ito, sa hula niya ay pareho sila ng iniisip.
"Unang pagtatama pa lang ng mga mata namin, alam ko nang siya ang babaeng mamahalin ko habang-buhay," tumingin ito sa kanya at matamis na ngumiti. "And I was right."
"Ang family mo?" tanong uli ni Ybeth, sa tingin niya ay gusto lang nitong malaman at i-kompara ang financial status ni Benito at ni Donny. Ganoon naman ito noon pa, laging nakikipag-kompetensiya sa kanya kahit hindi niya pin
