LINDSY
Nang dinala ni big boss ang wine sa akin ay agad kong tinungga ang laman ng wine glass dahil nilagyan na niya ito bago ako iwan. Pagkatapos ko uminon ay muli akong nagsalin na halos mangalahati sa kopeta at parang tubig ko lang itong ininom. Gusto ko kapag pumunta siya dito ay may epekto na sa akin ang espiritu ng alak.
Pumikit ako at sinabayan ko ang musika na pinakikinggan ko. Ilang sandali lang ay sumilay ang ngiti sa labi ko. Nakakatuwa lang dahil pinagkaabalahan pa ni big boss na dalhan ako dito ng bluetooth speaker para raw malibang ako. Hindi ko lubos maisip na ganito siya kaalaga sa 'kin samantalang no'ng una naming pagkikita ay halos kasing lamig pa siya ng yelo. Tama si Manang Lusing, sundin ko lang si Ravi ay magiging maayos ang pakikitungo nito sa akin.
Nagmulat ako
