Nakatulala ako sa kawalan. Hindi pa rin ako makapaniwala na pumayag ako sa pagpapakasal kanina. Hindi ako nagsisisi na ginawa ko iyon. 'Yon ang pinili ko upang maibalik sa dati ang kompaniya at matulungan ang aking mga magulang ngunit...iniisip ko kung ano na ang mangyayari sa akin pagkatapos ng kasal.
Kung mapupunta ako sa mahigpit na lalaki ay mawawalan ako ng kalayaan. Well...wala rin naman akong kalayaan kapag natapos na ang kasal. Iniisip ko agad na magkakagulo ang lahat kapag nabalita ito sa social media. Biglaan ang mangyayaring ito, kahit ako ay hindi ko in-expect na papayag ako sa dulo.
Problemado akong bumuntong-hininga nang malalim. Sinandal ko ang aking likod sa pader habang nakahalukipkip ang mga braso at nakatayo. Tulog si Daddy noong iniwan ko sa kaniyang kuwarto. Binaba
