“Just leave, Francine,” mariin at malamig na sabi ni Rivas kay Francine na aking ikinatingin sa kanilang dalawa. Napalingon din si Ate Nicole sa kan'yang kapatid.
Mahina namang natatawa si Francine ngunit makikita pa rin sa kan'yang mukha ang takot sa kan'yang pinsan. Kita sa gilid ng aking mata ang pagsimangot ng mukha ni Ate Nicole.
“Kahit kailan talaga ang dalawang iyan,” naiiling na bulong ni Ate Nicole.
Lumingin ako sa kan'ya at ngumiti. “Gusto mong sa kusina tayo mag-usap?” at muling tumingin sa dalawang lalaki. “Para walang abala.”
Mabilis na ngumiti si Ate Nicole. Isang beses na tumango ito saka sinakbit ang kaniyang bag.
Sabay kaming tumayong dalawa dahilan kung bakit napalingon sa amin si Rivas. Nawala ang dilim sa kaniyang mukha nang magtama ang aming mga mata. Isang sul
