Medyo basa na ang sofa ko dahil sa aking dress. Sinuklay ko kanina ang aking buhok upang ayusin ito sa pagkakagulo. Inalis ko rin ang jacket ni Rivas saka itinabi ito sa akin.
Malawak ang silid ko ngunit dahil nandito si Rivas pakiramdam ko biglang sumikip ito. Ni hindi ako makagalaw sa aking kinauupuan habang nakatingin sa mga kamay niya. Nakahawak ito sa aking sakong. Nakaluhod sa aking harapan habang masuyong dinadampian ang aking paa ng cold compress. Hindi na naman sobrang masakit iyon ngunit hinayaan ko na lamang siyang gawin iyon dahil...h-hindi ko rin alam.
Ngumuso ako. Kanina ko pa siyang tinititigan ngayon. Hindi niya yata naramdaman iyon dahil abalang abala siya sa aking paa. Kanina pa ako hindi gumagalaw dito! Kahit ang paghinga ko ay binabagalan ko, natatakot na baka mapak
