"Amara, maghintay ka muna saglit, maya-maya pababa na 'yon si Sir Andriuz," nakangiting paliwanag sa'kin ni ate Lorna pagbalik niya sa living room.
"Okay po Ate Lorna. Salamat po," tipid akong ngumiti, pero halatang halata pa rin ang kaba sa boses ko.
"Amara, gusto mo ba ng maiinom? Juice, kape, o di kaya tsaa?"
“Wag na po ate Lorna," magalang na pagtanggi ko. Uminom na ako ng pineapple juice kanina sa bahay, hindi rin ako mahilig sa tsaa, at kung kape naman baka lumala ang nerbyos ko kapag nakita ko na si Andriuz.
"O sige...Amara, okay lang sayo? Iwanan muna kita dito sa living room habang naghihintay ka kay sir Andriuz? Tatapusin ko lang 'yong pagdidilig ng mga halaman sa labas."
"Sige po, ate Lorna, okay lang po ako," tipid kong sagot, kahit na ang totoo hindi talaga ako okay, paki
