LAMCE'S POINT OF VIEW
Masaya ang pagsasalo-salo namin sa hapunan pero may kaba ring naramdaman. Lalo na noong magtanong-tanong pa sila tungkol kuno sa amin. Nagpapasalamat ako na narito si Jake sa tabi ko. Halos siya ang sumagot ng mga tanong at ang ayos ng daloy niyon.
“Baka puwede tayo mag-inuman hijo? Malakas ka ba sa alak?” tanong ni Dad kaya medyo natawa ako lalo na sa huling tanong.
“Kung makatanong ka naman kay Jake parang lakas mo sa alak eh ano?” tanong pabalik ni Mom kaya natawa kami at si Dad ay napasimangot.
“Ang totoo po niyan m-mahina rin po ako sa alak,” saad ni Jake na nahihiya.
“Iyon pala eh! Naku, may karamay na pala ako! Inuman tayo mamaya hijo,” wika ni Dad kaya napailing-iling ako.
“If my wife will permit me Dad,” sagot ni Jake at nakangiti akong binalingan ng ti
