JAKE'S POINT OF VIEW
Unti-unti kong minulat ang mga mata ko. Nararamdaman ko ring may nakapatong sa bandang baywang ko. Kaagad kong nilingon ang puwesto ni Lamce at nabigla. Nakasiksik at nakayakap siya sa akin. Ang isang braso ko ay naging ulunan niya. Nakayakap siya sa aking baywang at ramdam ko ang mainit niyang hininga sa bandang leeg ko. Nagbibigay iyon ng kakaibang kiliti at init sa sistema ko.
Kumalma ka Jake, ikalma mo lang . . .
Ang pagkakabigla ko ay napalitan din ng isang masayang ekspresyon. Natutuwa ako sa pwesto namin ngayong dalawa. Tiningnan ko ang kaniyang mukha at lalo akong nagandahan sa kaniya. Wala man o mayroon siyang kolorete sa mukha, nag-uumapaw pa rin ang kagandahan niya, panloob at panlabas na kagandahan.
Dahan-dahan kong hinahaplos ang kaniyang buhok na bum
