Muling bumalik ang lahat sa dati pagkatapos ng ilang araw, bumalik na rin ako sa pagtatrabaho at kahit anong pilit nina mama na magpahinga muna ako sa bahay kahit isang linggo lang ay nagpumilit pa rin akong pumasok sa trabaho.
Hindi ko gustong madamay pa ang kompanya dahil lamang sa personal kong problema...
Bumalik nga ang lahat sa dati, ngunit parang sa akin naman ang may nagbago.
"Hi sir, Lian! How was your day po?" tanong sa'kin ng isa kong empleyado na tinatawag nilang Lanie.
"Hello, it's wonderful, as always," magiliw kong balik sa kanya.
"Mabuti naman po."
Lahat nga ng mga taong nakapalibot sa akin ay nagulat dahil sa biglaan kong pagbabagong ito, hindi ko rin matukoy sa aking sarili kung bakit bigla-bigla na lamang akong nagbago. Isang araw nagising na lamang ako na iba na a
