Sa nangyaring pagtatabi naming matulog ni Christian ay naging sanhi ito upang ang pamumuo ng itim na bilog sa ibabang bahagi ng mata ko ay maulit muli.
Kumpara sa akin ay napakahimbing ng tulog ng gago, napakalakas pang humilik.
Nangangamba kasi ako na baka kapag ipinikit ko ang mga mata ko ay magising siya't may gawin itong hindi kaaya-aya, o baka imahinasyon ko lang talaga lahat ng 'yon.
Maaga kaming gumising lahat dahil gusto ni Ate na mangyari ang una naming photoshoot habang may hamog pa.
Ito na nga't paakyat na kami ng bundok at hindi pa kami nangangalahati sa aming pag-akyat ay dama ko na ang pagod. Ito ang unang beses kong sumubok umakyat ng bundok kaya sa aming lahat ako talaga ang napakadaling napagod.
"P-pwede magpahinga muna tayo saglit, ang sakit na ng paa ko," pagrerekla
