Hindi ko alam ang dahilan kung bakit nang kanya akong halikan ay hindi ko siya itinulak agad, bagkus ay ninamnam ko pa ang lasap ng kanyang mga labing nakadikit sa akin.
Kasabay ng malamig na tubig kung saan nakababad ang aming mga katawan ay siyang pag-iinit ng aking pakiramdam. Ang pangyayaring ito ay bago lamang sa akin at hindi ko pa ito kailanman naranasan.
Walang gumagalaw sa aming dalawa kahit nga ang aming mga labi ay walang ibang ginagawa liban sa magkadikit ito.
Nakarinig ako ng mga yapak na papalapit sa pool na naging hudyat upang mapabalik ako sa aking sarili at maging sanhi ng paghihiwalay ng aming mga labi.
Alam kong sa mga oras na ito ay pulang-pula na ang mga pisngi ko, kapwa kami hindi makatingin ng diretso sa isa't isa dahil sa nangyaring iyon, marahil tulad ko ay nah
