Kabanata 14
“Act like we’re lovers.”
Agad akong napabalikwas sa higaan, hinihingal, habang paulit-ulit na umaalingawngaw sa isip ko ang boses ni Ali. Para bang hindi siya umalis kagabi, para bang hanggang panaginip ay sinusundan pa rin niya ako.
Sa dami ng alak na ininom ko kagabi, mas nalasing pa yata ako sa mga salitang binitiwan niya. Mas malinaw pa ang “act like we’re lovers” kaysa sa anumang alaala ng party.
Hindi ko na nga maalala kung paano kami nakauwi nang hindi nag aaway. Basta ang alam ko lang, kasama ko siya hanggang sa makarating kami sa resort. Tahimik. Walang sigawan. Walang iringan. At mas nakakatakot iyon…
Ngayon, heto ako, ang huling araw ko sa cabin na ‘to. Kailangan ko nang umalis. Tapos na ang pananatili ko rito. Tapos na dapat.
Pero bakit parang ngayon pa lang n
