Kabanata 13
“I’ll go there. Bye for now, girls!” paalam ni Bria, sabay beso kay Haven bago tuluyang lumabas ng club.
Nanatili akong nakaupo, bahagyang nakahiwalay sa mga kaibigan ni Haven habang abala silang nagtatawanan at nag-iinuman. May iniabot din silang baso sa akin, tinanggap ko at uminom, kahit ramdam ko na ang hilo sa ulo ko. Halo halo na ang nainom ko, at unti unti nang umiikot ang paligid.
Ilang minuto pa, hindi ko na kinaya.
Tumayo ako at nilapitan si Haven. “Mauna na ako. Uuwi na muna ako sa resort,” mahinahon kong sabi.
Nagulat siya. “What? Malayo pa ‘yon. Sabay na tayo, after nito uuwi na tayo.”
Umiling agad ako. “Hindi na. Okay lang ako. Dito ka na muna, kasama mo naman friends mo.”
“Sigurado ka?” seryoso niyang tanong.
Tumango ako at ngumiti. “Oo. Kaya ko pa. Promi
