“Bakla, sure ka na ba sa desisyon mo sa buhay?” tanong ni Marcela kay Charlie habang nag-liligpit siya ng kaniyang mga gamit.
Matapos ang ilang taong pananatili niya sa Paris, ay nagdesisyon nang umuwi si Charlie sa Pilipinas. Tutal naman ay natupad na niya ang pangarap niya, at nakapag-ipon na rin siya para sa kaniyang sariling boutique na pinaplano niyang itayo sa Pilipinas.
Nilingon niya si Marcela na nakaupo sa kaniyang kama, “Yes mare, alam mo naman na wala akong planong manirahan dito sa Paris ‘no. Saka isa pa, natupad ko na ang pangarap ko rito. Nakatapos ako ng pag-aaral, nagkaroon ng magandang pangalan, at higit sa lahat, nakaipon na rin naman ako para sa business na gusto kong itayo sa Pinas.” Muli niyang hinarap ang pag-aayos ng kaniyang mga gamit sa kahon para ipa-ship.
“I
