Blind Date

chapter 4

sa putok ng baril. Nanlaki ang mga mata niya nang makita

ang target board ng kabilang booth. Hindi tumama sa

center ang bala. Sa pangatlong bilog ang nabutas.

Napa-smirk siya. Mukhang tama siya. Brokenhearted

nga yata si Darwin. At kaya hindi nito na-hit ang center

this time ay dahil nawala ito sa concentration sa sinabi

ng lalaking dumating.

His ex could be getting married to the man who was

the reason she left him.

Unti-unting naglaho ang ngisi ni Rachel. May idea

siya kung gaano kasakit ang nararamdaman ni Darwin.

Hindi pa magpapakasal sina Carlo at Camille pero

ganoon na ang inabot ng target board niya. Paano pa kaya

kung mabalitaan niyang ikakasal na si Carlo sa babaeng

ipinagpalit sa kanya? Baka mapakuha siya ng bazooka para

siguruhing sasabog ang target board. Hindi siya magseselos

kung sakali. Magagalit lang siya dahil nakuha itong

pakasalan ni Carlo, samantalang siya, sampung taon na

nakasama ay hindi inalok ni minsan. Napakasakit sa pride.

Somehow, nakaramdam si Rachel ng awa para kay

Darwin. Siguro mahal pa rin nito ang ex-girlfriend. Hindi

na niya mahal si Carlo pero apektado pa rin siya at galit

nang makita

ang dalawa. Lalo na siguro kung mahal pa

niya ang ex. Siguro tulad ni Darwin ay naging cold na

rin siya.

"She invited me to her wedding," sabi ng lalaking

dumating na parang walang pakiramdam na ayaw marinig

ni Darwin ang tungkol kay Julia.

Parang gusto uli ni Rachel na umeksena sa kabilang

booth at tampalin ang noo ng kung sinumang lalaking

iyon na hindi marunong makiramdam. O baka talagang

nananadya?

Napapitlag uli siya nang sunod-sunod na putok ang

pinakawalan ni Darwin. Pero nang tingnan niya ang target

board nito, wala ni isa ang tumama sa gitna. Nagpalipat-

lipat ang tingin niya sa papel na nasa kanyang target board

at sa nasa board ng lalaki. Halos magkahawig.

Napabuga si Rachel ng hangin. Naalala niya kung

paano siya pinagsabihan ni Darwin kanina tungkol sa

pagtawa ng ex niya at ni Camille dahil hindi niya na-hit

ang bull's-eye. Malamang nai-imagine ngayon ng lalaki

na pinagtatawanan ito ng ex habang nakasuot ng wedding

gown at ng groom nitong naka-tuxedo.

"It looks like you need more practice, pare," sabi ng

lalaking epal. "Punta na ako sa booth ko."

Tama, sabi ni Rachel sa isip. Punta ka na sa booth

mo dahil baka sa 'yo na sumunod na tumama ang bala ni

Darwin.

Sinilip uli niya ang kabilang booth dahil curious siya

kung ano ang hitsura ni Darwin sa mga oras na iyon. Wala

na ang isa pang lalaki. Nakatayo lang si Darwin habang

nakatitig sa target board na tinadtad nito. Kahit hindi niya

nakikita ang mukha ng lalaki, alam niyang puno ng pait

at galit ang

hitsura nito.

Pakiramdam ni Rachel, gusto niyang i-comfort si

Darwin. Pero may karapatan ba siyang gawin iyon? Bukod

sa hindi sila personal na magkakilala, hindi rin niya alam

kung paano mag-move on completely. Kahit hindi na

niya mahal si Carlo, hindi pa rin nawawala ang galit niya

para sa ex kaya hindi niya masasabing naka-move on na

talaga siya.

Biglang lumingon si Darwin at huli na para makaalis

si Rachel sa pagkakasilip. Kitang-kita niya ang

mukha ng lalaki. Tama siya. Nagalit nga ito sa sinabi

isang lalaki kanina. Ngumiti na lang siya nang alanganin

Nilagpasan lang siya ng tingin ni Darwin. Lumabas ito

ng booth dala ang baril.

ng

Nanlaki ang mga mata niya nang makita kung paano

hawakan ni Darwin ang baril. Ang higpit. Labas ang uga

sa kamay. Parang gigil ito at may gustong itumba. Posible

kayang gusto nitong barilin ang groom ng bride dahil sa

sobrang galit?

Nag-panic si Rachel sa naisip. Nang makalabas na ng

firing room si Darwin, tumakbo siya palabas para sundan

ito. "Wag mong ituloy 'yang binabalak mo," habol niya

sa lalaki.

Huminto ito sa paglalakad pero hindi lumingon.

"Wag mong dungisan ang kamay mo," patuloy niya

"Masisira ang buhay mo kapag ginawa mo 'yan. Sinira

ka nga nila, eh. Winasak nila 'yong puso mo. Kaya 'wag

mong hayaang mas masira ka pa nila. 'Wag mong hayaang

pati buhay mo, masira nila nang tuluyan. Kaya 'wag mong

ituloy 'yan..."

Unti-unting lumingon si Darwin. Wala na ang dilim

sa mukha nito. Nakakunot ang noo. "What the hell are

you talking about?"

Saka lang naging aware si Rachel sa paligid.

Nakatingin sa kanila ang mga tao sa lobby ng indoor firing

range, maging ang mga tao sa front desk. Sa kagustuhan

niyang iligtas ang lalaki, hindi na niya inalintana ang paligid

Itinaas ni Darwin ang baril. "I'm going to exchange

this pistol for a rifle because I want to shoot from a farther

distance." Ibinaba na nito ang baril. "How will that ever

mess my life?"

Hindi siya nakasagot. Napatanga na lang siya nang

ma-realize na nag-OA lang siya. Hindi talaga papatay

ng tao si Darwin kaya lumabas na hawak ang baril.

Magpapapalit lang pala ng baril sa staff.

Kung makatingin sa kanya ang lalaki, parang iniisip

nitong nababaliw na siya. Kung makabitiw naman kasi

siya ng linya kanina, daig pa ang teleserye queen.

Pinilit na lang ni Rachel na tumawa para mapagtakpan

ang kahihiyan. "Sabi ko nga, eh. Magpapapalit ka lang.