“Addie, maliban sa pagiging nurse, may iba ka pa bang pangarap? Ayaw mo bang mag-artista? Sa ganda mong iyan, madali lang kitang mapapasikat,” tanong niya habang kasalukuyan ang aming biyahe. Salubong ang kilay na napatingin ako sa kaniya.
“Ano iyan, panibago na namang pambobola? Saka bakit mo ako pasisikatin? Manager ka ba?”
Ngunit nagulat ako nang humagalpak siya ng tawa. Talagang yumugyog pa nga ang mga balikat niya.
“At ano’ng nakakatawa sa tanong ko?” taas ang kilay na asik ko sa kaniya. Huminto na siya sa pagtawa pero maluwang pa rin ang kaniyang ngiti.
“Hindi mo ba natanong kay Mommy kung ano ang trabaho ko?” umiling ako.
“Hindi ako interesadong malaman,” sabi ko at inalis na ang tingin sa kaniya at muling itinuon ang pansin sa daan.
“Ows? Paano mo nalaman ang edad ko kung hin
