“Tita, may gusto pa po sana akong sabihin sa inyo,” pabulong kong tugon. Kumakabog na naman ang dibdib ko, pero gusto kong ipagtapat sa kaniya ang tungkol kay Marco.
“Ha? Ano iyon?”
Tumikhim ako at inayos ang pagkakaupo ko sa gilid ng kama. Isang malalim na buntong-hininga pa ang pinakawalan ko bago ako nagpasyang sumagot.
“Tita, nagkita na po kami noong lalaking naka-one night stand ko po noon sa Pampanga.”
Halos hindi iyon lumabas sa bibig ko. Alam ni tita ang lahat-lahat tungkol sa akin kaya ayaw ko ring ilihim sa kaniya ang tungkol sa pagkikita namin ni Marco.
“O? Ano’ng nangyari? Nasabi mo ba sa kaniya?” tanong agad nito. Doon ko nakagat ang pang-ibabang labi ko.
“Hindi po, tita. Ipinaliwanag lang po niya sa akin kung paanong may namagitan sa amin. Gulong-gulo pa rin po ako, t
