“Good morning boss,” hindi naikaila sa mukha ni Karen ang gulat ng makita si Jake na lumabas ng elevator.
“Good morning, Karen,” nakangiting bati naman ni Jake sa sekretarya. Tinanguan niya ang sekretarya saka dire-diretso ng pumasok sa kanyang opisina.
Agad namang kinuha ni Karen ang memo pad sa kanyang desk at ini-open ang mga schedule ni Jake sa ipad para sa araw na iyon. Pagkalabas niya ng kanyang cubicle ay nakasalubong pa niya ang driver/bodyguard nitong si David na patungo din sa opisina ni Jake habang may bitbit-bitbit na mga papeles at bag. Mga trabaho marahil iyon na ini-uwi ni Jake sa bahay nito.
“Ang aga naman ni Boss, halos kararating ko lang din at hindi pa ko nakakapag-ready for the day,” saad ni Karen kay David habang sabay silang naglalakad patungo sa opisina ni Jake.
