NASA kuwarto na si Dawn ay ngiti pa rin siya nang ngiti. Hindi mawala sa isip niya ang nakakatawang eksena kanina. Alam ni Dawn na may sariling dahilan si Thor kaya siya ini-invite na sumama sa El Nido. Gusto niya ng gala na free lahat pero kailangang buo muna ang tiwala niya sa kasama.
Ang three days na hiningi ni Thor ay naisip ni Dawn na gamitin para sa rom-com story na plano niyang tapusin bago bumalik ng Manila. Kung si Thor nga ang nagti-trigger sa imagination niya, malaking tulong ang three days na napag-usapan nila. Susulitin niya iyon.
Sa gaan ng pakiramdam, alam ni Dawn na mahihirapan siyang matulog. Sa mga ganoong pagkakataon, nakakapagsulat siya ng ilang chapters. Inabot niya ang laptop at binuksan. Sa sahig lang siya, nakasandal sa gilid ng kama.
Binalikan ni Dawn ang iniwa
