HINDI maipaliwanag ni Beatrice kung bakit bigla na lang siyang nakaramdam ng kirot ng kanyang ulo. Hindi lang iyon medyo nakakaramdam din siya ng bahagyang hilo.
Napatingin naman siya sa basong hawak-hawak na na konti na lang ang natitira. Mukhang kahit na five percent na alcohol content lang ang laman ng juice ay tinamaan pa din siya.
Napapikit nga din siya ng mga mata nang muli na naman siyang nakaramdam ng hilo. Ilang sandali nga siyang nasa ganoong posisyon hanggang sa nagmulat siya ng mga mata. At nang hindi pa din nawawala ang nararamdaman ay napagpasyahan niyang bumalik na lang sa room na tinutuluyan.
Kinalabit naman niya si Lea na masayang nakiki-jamming sa saliw ng tugtugin. Nilingon naman siya nito.
"Bakit?" tanong nito sa kanya, inilapit nga din nito ang mukha para magka
