DINAMPOT ni Beatrice ang bag na nakapatong sa sofa nang makatanggap siya ng text message galing kay Brandon. He informed her that they were already close to her apartment.
Sabado ngayong araw at nagyaya itong lumabas sila. At dahil wala naman siyang gagawin at gusto din naman niyang makasama si Brandon ay pumayag siya.
At sa halip na hintayin sa loob ng apartment si Brandon ay lumabas na siya at do'n na niya ito hihintayin sa labas para hindi na ito bumaba ng kotse para puntahan siya sa apartment.
At makalipas ng limang minuto ay namataan niya ang kotse ni Brandon at mukhang nakita din siya nito dahil narinig niya ang pagbusina nito.
Umayos naman si Beatrice ng tayo nang huminto ang kotse sa harap niya. At sa halip na bumaba ang bintana para silipin siya ay bumukas ang pinto at buma
