At kita niya ang bahagyang pamimilog ng mga mata ng babaeng kausap ni Vince kanina nang makita siya.
“Brandon,” sambit naman ni Vince sa pangalan niya nang magtama ang mga mata nila.
“You’re here to pick up Beatrice?”
“Yes,” sagot niya sa baritonong boses. Pagkatapos niyon ay bumaba ang tingin niya kay Beatrice na mahimbing na natutulog sa couch.
Inalis naman niya ang leather jacket na suot, may narinig siyang suminghap pero hindi na niya iyon masyado pinagtuunan ng pansin dahil ang atensiyon ay na kay Beatrice.
Humakbang siya palapit dito, nagbigay daan naman sa kanya ang babaeng nasa gilid nito.
Nang nakalapit siya kay Beatrice ay ipinatong niya sa katawan nito ang tinanggal na jacket at saka ito binuhat in a bride-style.
At sa halip na umalis ay sinulyapan niya ang mga kasa
