HINAPLOS ni Beatrice ang medyo kalakihan niyang tiyan habang ang atensiyon ay nakatuon sa harap ng computer. Kung dati ay nasa isang buwan lang ang pinagbubuntis niya, ngayon naman ay nasa apat na buwan na siya. Kung noon ay hindi pa halata ang kanyang tiyan ay ngayon naman ay halatang-halata na. Nakasuot na nga din siya ng dress sa opisina dahil hindi na siya pwedeng magsuot ng pantalon. At alam niyang lalaki pa ang tiyan niya sa mga susunod na buwan.
Hindi na nga din siya nakaka-visit sa site. Si Vince na lang ang laging pumupunta do’n at nire-report na lang nito sa kanya kung ano ang development ng hotel at kung may problema.
Hindi din naging biro ang pagbubuntis ni Beatrice nitong first trimester niya dahil halos suka siya nang suka. Hindi naman siya masyado naghahanap ng pagkain,
