NAPATIGIL si Beatrice mula sa pagsubo niya sa hawak na grapes ng tumunog ang ringtone ng cellphone niya na nakalapag sa ibabaw ng center table. At mula sa gilid ng kanyang mga mata ay nakita niya ang pagsulyap din ng asawang si Brandon sa cellphone niya.
At akmang aayos siya mula sa pagkakaupo niya sa sofa para abutin ang cellphone sa center table ng mapatigil siya ng magsalita si Brandon.
“Ako na,” wika nito sa kanya.
Pagkatapos niyon ay inabot nito ang cellphone niyang tumutunog. At hindi napigilan ni Beatrice ang mapatitig kay Brandon nang mapansin niya ang bahagyang pagsasalubong ng mga kilay nito ng tumingin ito sa cellphone niya, napansin nga din niya ang pag-seryoso ng ekspresyon ng mukha nito ng sandaling iyon.
Tuluyan naman nitong inabot sa kanya ang cellphone niya, hindi
