“MA’AM Beatrice.”
Napatigil si Beatrice mula sa pagsasalita nang marinig niya ang pagtawag sa kanya ni Lyn. Inalis naman niya ang tingin sa kausap at saka siya niya ito nilingon sa kanyang likod.
“Bakit?” tanong niya dito.
“Magla-lunch na daw. Kain muna daw tayo sabi nina Sir,” sagot nito sa kanya.
Nang sabihin nito iyon sa kanya ay napatingin siya sa wristwatch na suot at doon niya nakita na malapit na ngang mag-alas dose.
Masyado siyang naka-focus sa kausap niya at hindi niya namalayan ang oras.
Tumango lang naman si Beatrice bilang sagot. Pagkatapos niyon ay sinulyapan niya ang kausap para nagpaalam.
Sabay nga silang dalawa na naglakad palapit sa kinaroroonan nina Sir Robin. Pinunasan nga din niya ang pawis na namumuo sa kanyang noo gamit ang kanyang kamay. Wala kasi siyan
