Chapter 33
Lander's POV
"Lander," ang tawag sa akin ni Mama sa labas ng pinto. Tatlong katok ang sumunod kong narinig. "May importante kang bisita, anak..." Humina ang boses niya sa puntong ito.
Baka si Ksenia na iyon... Siya nga kaya?
Inalis ko ang atensiyon ko sa kuwarto ni Ksenia na hanggang ngayon ay nakasarado pa rin. Kung siya ang bisita, sana bukas na ang sliding doors niya. Puwede namang siya pa rin iyon, hindi lang niya binuksan dahil siguro trip lang niya.
Bumangon ako at binuksan ang pinto. Bumalandra si Mama sa nagugulumihanang anyo nito.
"Mama, si Ksenia po ba ang dumating?" umaasa kong tanong.
Tipd siyang napangiti. Pumasok siya at isinarang muli ang pinto. Nalungkot ako nang umiling siya. "Hindi, anak... Sinabi ko sa kaniyang bago ka niya kausapin ay kauusapin muna ki
