TROY
Ilang buwan na ang lumipas di ko pa din naaayos ang problema ko kay Trixie, hindi ko alam kung bakit hanggan ngayon ay hindi pa lumalabas ang Certificate of Annulment namin. Naging abala na din ako sa mga negosyo ko na napabayaan ko na, ayaw kong sundan ang mag ina ko sa Japan hanggat wala pang malinaw na resulta ang problema ko sa dati kong asawa.
Hindi ko na nakakausap si Chellie, hindi ko alam kung iniiwasan niya ba ako o sadyang ayaw niya na akong makausap. Maging ang anak ko ay hindi ko na din masyado nakakausap. Alam kong masama ang loob sa akin ni Chellie dahil nangako akong aayusin ko agad at susunod sa kanila sa Japan. Hindi ko lang akalain na ganito pala katagal tatakbo ang annulment case namin. Halos mag dalawang taon na pero wala pa din akong hawak na katibayan na hindi
