NAHINTO ang gusali sa tapat ng condominium. Nakatingin lamang ako sa kawalan habang si Signor ay hinahayaan ako sa kanyang tabi.
“What did you remember?” tanong niya, binasag ang namumuong katahimikang sa aming dalawa. Nagpakawala ako ng mabigat na hininga at napatingin sa kanya.
“Hindi ko kilala ang babae na kasama ko noong araw ng aksidente.” Ani ko at niyakap ang aking sarili. Malabo ang alaalang iyon. Ni hindi ko mamukhaan kung sino ang babae na iyon, kahit ang tono ng kanyang pananalita ay unti unting napapawi sa aking isipan. Napasinghap ako at muling napatingin kay Signor, sigurado akong may alam siya kung sasabihin ko sa kanya. “Pilit niya akong pinapauwi sa Pilipinas, kilala mo ba siya?” tanong ko sa kanya.
Ilang segundo niya akong tiningnan. Umiwas siya ng tingin at kunot no
