“SIR!” sigaw ko nang makita si Signor na sinuntok ng isang lalake sa bar na naging dahilan ng malalakas na tilian. Mabuti na lang at naisipan ko ang sundan siya at dito ko siya natagpuan sa maingay at mataong lugar. Agad ako siyang dinaluhan nang akmang sisipain siya ng isang lalake. Natigil naman ang paa ng lalake nang makita ako sa takot na ako ang masipa niya.
“Umalis ka dyan. Papatayin ko ‘yang hayop na ‘yan.” Aniya pero hindi ako nagpatinag at sinubukang pang buhatin si Signor. “Akala mo kung sino e’. Palibhasa kasi anak ng mga sindikato.” Patuloy nito. Lumapit ang bar manager at pinagsabihan silang dalawa. Si Signor ay napatingin sa akin nang pilit ko siyang inaangat. Amoy alak siya, pero alam kong nakakalakad pa siya. Makailang beses ko siyang nahuling umiinom ng champagne sa traba
