C24
MALUNGKOT si Heart nang magising. Parehas sila ni Lux na walang imik buong magdamag pero nakahawak sa kanya ang asawa na para bang tatakas siya. Nakatulugan na lang niya iyon at ito naman ay ganun din. Pinakikiramdaman nila ang bawat isa.
May community service sila sa araw na ito tapos ay sa Lunes at Martes. Pagkatapos nun ay bakasyon na sila.
Dinampot niya ang kanyang smartphone at tumingin sa kanyang messages.
Nangangamusta ang Nanay niya sa kanya at hindi na pala niya nareplayan, o mas tamang sabihin na hindi na nga niya nabasa dahil wala siya sa sarili. Binasa niya ang chat nina Lexus at Lexi sa notification panel. Semestral break na pala ng mga kapatid niya at tuwang-tuwa ang kambal.
Mas tuwa siya bilang ate dahil matino na mag-aral ang mga kapatid niya. Sulit ang kanyang pag
