Nanatili akong nakatalikod kay Dondon. Iniiwas ko ang katawan ko sa tuwing nararamdaman ko na kinakalabit niya ako.
"Love naman. Please, mag-usap naman tayo ng maayos. Huwag namang ganito." Ani ni Dondon sa akin.
"Ah maayos pala. Nung umalis ka. Nung iniwan mo ako, maayos ba yon? Tama ba yon, ha, Dondon? Hindi. Mahigit sampung taon kang nawala. Kaya wag mo akong matawag tawag na, Love." Naka angil kong saad sa kanya.
"Love naman. Kaya nga mag usap tayo. Magpapaliwanag ako. Paano natin maaayos tong relasyon natin kung nakatalikod ka sa akin." Ani ni Dondon. Hinahawakan niya ako sa balikat ko na agad ko namang inaalis.
"Atleast ako, sa pag upo lang kita tinalikuran. Eh, ikaw? Tiniis mo ako ng ilang taon. Tinalikuran mo ako nung mga panahong naguguluhan ako sa nangyari dahil bata pa ak
