Serene? Nami-miss? Date? Ano ang ibig sabihin niyon? At sino si Serene?
Kahit na bakas sa akin ang kagustuhan na magtanong, alam kong hindi ko iyon magagawa. Nagkatinginan kami ni Ford at nagtagal ang mga mata niya sa ‘kin. Hindi ko alam kung bakit ganoon na lang ang pait na tila gumapang sa aking lalamunan!
Iniwas ko ang tingin. Base sa huling pagtama ng mga mata namin ni Ford ay nakita ko ang kagustuhan niyang magpaliwanag. Iyon nga lang, imposible dahil nandito kami. Nasa harapan namin sina Don Santiago at Ma’am Donna.
At kahit wala, imposible pa rin na makapag-usap kami rito.
Huminga na lang ako nang malalim at nagpatuloy ang kwentuhan namin nang ilang sandali. Kinakausap ako nina Don Santiago at Ma’am Donna. Inaliw ko na lang din ang sarili sa pagsagot sa mga tanong nila. At k
