Hanggang kailan ba ipapamukha sa kanya na isa siyang mahirap at hindi nababagay sa isang mayaman? Hanggang kailan niya mararamdaman ang sakit ng pagkapahiya? Masaya siya kapag kasama si Robb. Hindi niya nararamdaman na malaki ang agwat nilang dalawa pero kapag may isang tao na nagsabing hindi sila bagay, nasasaktan siya. Naaalala niyang tama sila. Bakit nga ba pinagpipilitan pa niya ang mga bagay na hindi puwede?
Fiancé! Fiancé ni Robb si Rose Anne. Kahit hindi niya gaanong maunawaan iyon, isa lang ang alam niya, si Robb at Rose Anne ang nakatadhana sa isa’t isa. Hindi na dapat siya umeeksena.
Hindi niya alam kung paano siya nakauwi sa kanilang bahay. Hilam pa rin ang kanyang mga luha at nanghihina na ang kanyang mga tuhod. Umupo siya sa bagong sofa na dumating din kanina kasama ng mga a
