Pagkarating ng elevator sa 20th floor at pagkabukas nito ay agad na lumabas si Yanissa. Ngunit agad siyang natigilan nang makita niyang nakahilera ang mga empleyado sa labas ng elevator. Nang makita siya ng mga ito ay natigilan din ang mga ito. Sari saring emosyon ang nakita ni Yanissa sa mga empleyado. Mayroong nagtataka, mayroong kinakabahan, at ang iba pa ay nagbubulungan. Pakiramdam niya tuloy ay nakagawa agad siya ng malaking kasalanan. Sentrong sentro siya ng atensyon ng lahat na hindi niya alam kung normal lang ba dahil bago lamang siya sa lugar na iyon.
Naputol lamang ang pag-iisip niya nang lampasan siya ni Xander na tumigil sa mismong harapan niya. Agad namang lumapit kay Xander ang babaeng nagmaldita sa kaniya kanina.
"Good morning po, Sir Xander. Ipagpaumanhin niyo po sana an
