ANALYN
HINDI ko napigilan ang pagsilay ng aking ngiti habang binibihisan ang aking anak nang bigla ako nitong nginitian habang nakatitig sa akin na para bang nakakaunawa na ito sa kasalukuyan kong nararamdaman.
Isang linggo na ang lumipas mula nang dumating dito si Santino sa mansyon ni Sandino. At noong araw na iyon ay aaminin kong napuno ako ng mga katanungan sa aking isip tungkol sa kung paano nalaman ni Sandino ang tungkol sa aming anak at kung paano napunta sa poder niya si Santino.
Subalit ang mga katanungang iyon ay nananatili pa rin sa aking isipan hanggang ngayon, dahil sa hindi ko magawa-gawang magtanong o itanong kay Sandino kung bakit dahil natatakot akong magalit ito o may marinig akong hindi magagandang salita na maaaring makasugat sa aking kalooban.
"Ang laki mo na baby,
