NAGISING ako na madilim na ang buong paligid at tanging liwanag na lamang ng ilaw na nagmumula sa labas ng malawak na terrace ang nagsilbing liwanag sa kabuoan ng silid.
Hindi ko na namalayang napahimbing na ako sa pagtulog kanina simula nang ipinikit ko ang aking mga mata. Maging ang pagkain ng tanghalian at hapunan ay hindi ko na rin nagawa.
Napatitig ako sa kesame nang agad kong maalala ang mga nangyari kanina. Ang puwersang pagkuha sa akin ni Sandino na walang ni katiting na pag-iingat.
Napahawak ako sa aking dibdib nang maramdaman ko naman ang kirot na nagmumula sa aking kalooban kasabay ng mga luhang muli na namang nag-alpasan.
"'Wag kang susuko, Analyn. Lumaban ka para kay Santino. Lumaban ka para sa anak mo. Makakawala ka rin sa magulong sitwasyon mo ngayon at sa bangungot na p
