Tatica
ISANG linggo bago sumapit ang pista ng San Isidro ay abala na ang mga tao. May naglilinis ng kani-kanilang bahay at bakuran para sa mga darating na bisita. Sa bahay nga rin ay naglilinis na rin sila tatay at Kuya Jomel. Gusto ko nga sanang tumulong pero may pasok ako. Ang kalye nga ay puno ng mga benderitas. Ang mga kapitbahay namin ay kanya kanya na rin ng plano kung ano ang gagawin at lulutuin sa pista.
"Kuh! Excited na ko sa darating na pista bakla. Sino kayang mga artista ang bisita sa plaza?" Excited na sabi ni Iyek.
May mga artista kasing kumbidado tuwing pista sa plaza. Kaya dinudumog talaga ng mga tao.
"Sayang may pasok tayo sa araw ng pista." Nanghihinayang na sabi ko. Gusto ko ring manood sa plaza.
"Tangek! Wala tayong pasok nun. Sarado ang buong production pati a
