Tatica
NAPASIMANGOT ako ng yumakap pa ang mga braso ng babae sa leeg ni Boss Conrad at mas dinikit pa ang katawan. Pero binaklas naman ni bossing ang mga braso ng babae. Parang sumasama tuloy ang timpla ng mood ko.
"Hillary anong ginagawa mo dito?" Tanong ni Boss Conrad sa babae.
Hillary pala ang pangalan ng babae. Infairness maganda talaga sya, medyo tan ang kulay at sexy. Girlfriend kaya sya ni bossing? Malamang kiniss nya si bossing eh.
Parang pumait ang panlasa ko at gusto kong isuka ang lahat ng kinain ko kanina. Parang pinipilipit din ang puso ko. Ano ba tong nararamdaman ko? Bakit ba ako naiinis?
"May katatagpuin kasi ako dito babe. Isang kliyenteng magpapagawa ng wedding gown." Malambing na sabi ni Hillary na humawak pa sa braso ni bossing at mas dinikit pa ang katawan. May
