Maaga siyang pumunta sa school at nakausap niya ang admin. Dahil nga sa mga naitulong ng daddy niya sa school ay na-offeran siya nito ng scholarship pero kailangan din niyang maglaan ng oras sa registrar's office so bale parang working student na rin siya. Agad siyang pumayag. Wala siyang pakialam kung pag-uusapan man siya sa buong campus. Ang importante ay matutupad niya ang simpleng pangarap ng daddy niya sa kanya, ang makapagtapos ng pag-aaral. Mabuti na lang at isang taon na lang at ga-graduate na rin siya. Sa ganoong paraan man lang siya makabawi sa ama.
Hindi rin siya pinatahimik nang biglang pagbagsak ng mga kompanya nila nang sabay-sabay. May kutob talaga siya na may nagmamaniobra nu'n at wala na siyang ibang mapagbintangan kundi ang mag-ina. Kailangan lang talaga niya ng sapat na
