"Hon, gusto mo nitong sugpo? Itong inihaw na bangus masarap rin. Oh, baka mas gusto mo itong chicken barbecue.”
Sunod-sunod ang paglalagay ni Frost ng pagkain sa plato ni Blue kaya halos mapuno ‘yon. Pananghalian at kasalukuyang nasa isang malaking open tent sila kasama ang production team.
Tatlong lamesa na punong-puno ng iba’t iba pagkain— mula sa inihaw, sisig, kinilaw at mga sariwang prutas ang in-order ni Frost sa resort malapit sa set nila.
Magkakasama sila sa lamesa nina Direk Levi na katabi ang photographer na si River. Sa harapan ng dalawa ay si magkatabi naman si Mamshie at Melba.
Napapagitnaan si Blue ni Frost at Francis Dominic. Sa tapat nila nakaupo ang dalawang lalaking kasama ni Frost, na nakilala niyang si Apollonio or Apollo for short na pinsan nito at si Rodrigo o Ri
